Сортировать статьи по: дате | популярности | посещаемости | комментариям | алфавиту

Bəstəçillik üzrə Avropa çempionatı

Автор: ilgar от 12-04-2011, 09:29, посмотрело: 2084

0

Azərbaycan Avropada 6-cıdır

31 mart -5 aprel tarixdə Polşanın Loviç (Lowicz) şəhərində şahmat bəstələrinin həlli üzrə 7-ci Avropa çempionatı keçirildi. Çempionatda 20 ölkədən 75 şahmat həllçisi öz qüvvələrini sınadılar. Komanda hesabında ilk dəfə olaraq Ukrayna (Vasil Dyaçuk, Valeriy Kopıl, Volodimir Pogorelov, Oleksiy Solovçuk) çempion adını qazandı. 2-ci Serbiya (Milan Velimirovic, Marjan Kovacevic, İqor Spiric, Vladimir Podinic), 3-cü isə Polşa (Piotr Murdzia, Kacper Piorun, Piotr Gorski, Riszard Krolikovski) oldu. 4-cü yeri dəfələrlə dünya və Avropa çempionu adını qazanmış Rusiya millisi, 5-ci yeri isə Finlandiya tutdu. 
Ölkəmizin Ramil Cavadov, Araz Alməmmədov, Zaur Məmmədov və Aqşin Məsimovdan ibarət yığma komandası, bu yarışlar tarixində ən yüksək nəticəni göstərərək 6-cı yeri tutdu. Qeyd edək ki, komandamız tərkibi qrossmeyster və beynəlxalq ustalardan ibarət bir çox məşhur komandaları geridə qoydu. Şəxsi hesabda qızıl medalı 90 mümkün xaldan 84 xal toplayan Piotr Murdzia (Polşa), gümüş medalı 77,5 xalla (285 dəq) Marjan Kovacevic (Serbiya), bürüncü isə 77.5 xalla (322 dəq) Georgi Evseev (Russia) qazandı.Milli komandanın lideri FİDE ustası R.Cavadov (2394, İsmayıllı) 60 xalla 15-ci (performans 2522, +33), 13 dəfə ökə çempionu A.Alməmmədov (2370, Qəbələ) 55 xalla 20-ci (performans 2445, +20), 17 yaşlı gənc həllçimiz Z.Məmmədov (Bakı) 34,5 xalla 54-cü (performans 2130), komandamızın ən təcrübəli iştirakçısı olan A.Məsimov (2129, Bakı) 30,5 xalla 60-cı (performans 2068, -16) oldu. Çempionatda şəxsi hesabda çıxış edən veteran həllçimiz Anatli Piriverdiyev (Bakı) isə 29,5 xalla 61-ci yeri (performans 2053, +42) tutaraq beynəlxalq əmsalına əlavə xallar yazdıra bildi.
Gənclər (23 yaşa kimi) arasında çempion adını Kacper Piorun (Polşa) qazandı. Andrey Petrov (Rusiya) 2-ci, Evgeni Viktorov (Russia) isə 3-cü oldu.

İlham Əliyev (Sumqayıt)
Şahmat bəstəçiliyi üzrə milli komandanın baş məşqçisi

Şəkildə soldan-sağa: A.Məsimov, A.Piriverdiyev, İ.Əliyev, R.Cavadov, A.Alməmmədov, Z.Məmmədov.

#601;n y

Категория: Chess Composition

 
Назад Вперед
 
: