Сортировать статьи по: дате | популярности | посещаемости | комментариям | алфавиту

Beynəlxalq Şahmat Festivalında həlletmə yarışı

Автор: ilham от 26-12-2011, 17:09, посмотрело: 1599

0

Dünya azərbaycanlılarının həmrəylik gününə həsr olunmuş 2-ci Beynəlxalq Şahmat Festivalının Həlletmə yarışı
Xəbər verdiyimiz kimi 21-29 dekabr tarixdə Bakı şəhərində keçirilən Dünya azərbaycanlılarının həmrəylik gününə həsr olunmuş 2-ci Beynəlxalq Şahmat Festivalının proqramına, festivalın direktoru İlqar Bacaraninin təşəbbüsü ilə həlletmə yarışları da daxil edilmişdi.
24 dekabr 12 məsələdən ibarət (altı ikigedişli, iki üşgedişli, iki çoxgedişli və iki etüd) həlletmə Open turniri keçirildi. Təşkilatçılar tərəfindən mükafat kimi təqdim edilmiş netbuk yarışın rəqabətini daha da artırdı. Yarışda ölkəmizin 11 şəhərindən 29 şahmatçı öz qüvvəsini sınadı.
Çoxsaylı tanınmış praktik şahmatçıların iştirakına baxmayaraq, əsas mübarizə həlletmə üzrə yığma komandanın üzvləri arasında getdi. Qalib adını 60 mümkün xaldan 56 xal toplayaraq, yığma komandanın lideri Ramil Cavadov (İsmayıllı) qazandı. 2-ci yeri 54 xalla Araz Alməmmədov (Qəbələ), 3-cü yeri isə 53 xalla şahmat üzrə beynəlxalq usta Zaur Məmmədov (Bakı) tutdu.
25 dekabrda isə Azərbaycanda ilk dəfə olaraq, bütün dünyada çox populyarlıq qazanan Machine Gun yarışı keçirildi. Bu yarışda iştirakçlara hər məsələyə bir dəqiqə olmaqla 30 ikigedişli tapşırıq təqdim edilir. Yarışın maraqlı cəhəti ondan ibarətdir ki, düzgün həll edilən məsələyə görə 1 xal verilir, həll edilməyən məsələyə görə 0 xal, hər səhv həll edilən tapşırığa görə isə 0,9 xal çıxılır.
Öncə yarış iştirakçılarına miniatür məsələlərdən ibarət tapşırıqlar verildi. Burada 1-ci yeri 28 xalla komandanın gənc üzvü Zaur Məmmədov (Bakı) tutdu, 2-ci 27 xalla komandanın daha bir gənc üzvü 16 yaşlı Misrətdin İskəndərov (Sumqayıt), 3-cü isə 25,1 xalla Ramil Cavadov (İsmayıllı) oldu.
Daha sonra tapşırıqlar çətinləşdirilərək yeni Machine Gun keçirildi. Bu dəfə 1-ci yerə 18,2 xalla Araz Alməmmədov (Qəbələ) çıxdı, 2-ci 13,5 xalla Misrətdin İskəndərov (Sumqayıt), 3-cü isə 12,5 xalla Zaur Məmmədov (Bakı) oldu.
Yarışların qaliblərinə pul mükafatları təqdim edildi.

open-solution.pdf [0 b] (cкачиваний: 80)
open-problems.pdf [0 b] (cкачиваний: 90)
machine-gun-table.pdf [0 b] (cкачиваний: 55)
open-table.pdf [0 b] (cкачиваний: 66)

Категория: Chess Composition

 

Şahmat bəstəçiliyi üzrə şəxsi 10-cu Azərbaycan çempionatı

Автор: ilham от 1-10-2011, 13:40, посмотрело: 1592

0

Şahmat bəstəçiliyi üzrə şəxsi 10-cu Azərbaycan çempionatı, 2011

10th Azerbaijan individual chess composing championship 2011

 

Reqlamenti ilin əvvəlindən elan edilmiş şahmat bəstələrinin tərtibi üzrə şəxsi 10-cu Azərbaycan çempionatı başa çatır. Sizə çempionatın ilkin nəticələrini təqdim edirik. Çempionatın tam nəticəsi ilə Azərbaycan Şahmat Federasiyası Bəstəçilik komissiyasının “Şahmat Bəstəçiliyi” jurnalının 15-ci sayında tanış ola bilərsiniz.

Xatırladaq ki, çempionatda 2007-2010-cu illərdə dərc olunmuş (etüdlər istisna olmaqla) və ya orijinal bəstələr iştirak edirdi. Bəstələr hakimlər tətəfindən 10 ballı  sistemlə (0-dan 10-a kimi yarım xal da daxil olmaqla) qiymətləndirilib. Hər bölmədə iştirak üçün hər müəllif tərəfindən 6 əsər təqdim oluna bilərdi ki, bunlardan üçü zaçota daxil olub. Yarışlarda iki və daha çox bəstəçi eyni xal topladıqda, yerlər daha yüksək xal almış bəstəyə görə müəyyən edilib. Əgər zaçota düşən bəstələrin xalı eyni olubsa, onda zaçota düşməyən məsələyə görə, daha çox xal toplayan mübarizədə qalib gəlib.

Çempionatın mükafat fondu: 500 ABŞ dolları.

 

Şahmat bəstəçiliyi üzrə şəxsi 10-cu Azərbaycan çempionatının qalibləri

 

A-ikigedishli (#2), Hakim: Bəxtiyar Rüstəmov ( Bakı, Azərbaycan).
1.Mahir Məmmədov (Bakı) 23 xal, 2.Hacı Məmmədov (Qobustan) 22 xal, 3.Salman Cavadzadə (Gəncə) 21,5
B-ucgedishlii (#3), Hakim: Aleksandr Sıqurov (Rusiya).
1.Hacı Məmmədov (Qobustan) 22,5 xal, 2.Mübariz Səfərov (Cəlilabad) 21,5 xal, 3.Araz Alməmmədov (Qəbələ) 16,5 xal.
C -Çoxgedişli (N#), Hakim: Rauf Əlövsətzadə (ABŞ).
1.Araz Alməmmədov (Qəbələ) 27,5 xal, 2.İlham Əliyev (Sumqayıt) 17 xal, 3.Kənan Vəlixanov (İmişli) 17 xal.
D - Etüdlər (+=), Hakim: Muradxan Muradov (Qobustan, Azərbaycan).
1.İlham Əliyev (Sumqayıt) 27 xal, 2.Samir Bədəlov (Bakı) 20,5 xal, 3.Araz Alməmmədov (Qəbələ) 18,5 xal.
E - Yardımlımat (H#), Hakim: Vladimir Persiyanov (Rusiya).
1.Kənan Vəlixanov (İmişli) 17 xal, 2.Anatoli Piriverdiyev (Bakı) 15 xal, 3.Salman Cavadzadə (Gəncə) 14,5 xal.
F - Əksmat (S#), Hakim: Rauf Əlövsətzadə (ABŞ).
1.Araz Alməmmədov (Qəbələ) 25,5 xal, 2.Salman Cavadzadə (Gəncə) 24 xal, 3.Kənan Vəlixanov (İmişli) 21 xal.
Daha ətraflı məlumat üçün aşağıdakı faylı dartın:

cedvel-table-10-azch.pdf [0 b] (cкачиваний: 152)

Категория: Chess Composition

 

Şahmat bəstəçiliyi üzrə dərəcə tələbləri

Автор: ilham от 25-09-2011, 20:53, посмотрело: 2000

0

 Gələn il, Azərbaycan Respublikası Gənclər və İdman Nazirliyi tərəfindən şahmat bəstəçiliyi üzrə yeni dərəcə tələbləri qəbul ediləcək. Sizin diqqətinizə, AŞF şahmat bəstəçiliyi komissiyası tərəfindən hazırlanmış dərəcə tələblərinin layihə formasını təqdim edirik. Kənan Vəlixanov, Elmar Abdullayev, Lütfiyar Rüstəmov tərəfindən göndərilən təkliflərdən sonra layihəyə müəyyən dəyişikliklər edilib.  İrad və təkliflərinizi 15.10.2011 tarixə kimi bestechi@mail.ru elektron ünvanına göndərə bilərsiniz. 

LAYİHƏ


Azərbaycan Respublikası Gənclər və İdman Nazirliyinin

şahmat bəstəçiliyi üzrə dərəcə tələbləri

ŞAHMAT BƏSTƏÇİLİYİ 


1. ŞAHMAT BƏSTƏLƏRİNİN TƏRTİBİ ÜZRƏ
 
III idman dərəcəsi – aşağıda göstərilən hesabat üzrə nəşr olunmuş bəstələrə görə 5  xal toplamaq,
II idman dərəcəsi –aşağıda göstərilən hesabat üzrə nəşr olunmuş bəstələrə görə 10 xal toplamaq,
I idman dərəcəsi – ölkə çempionatında I-III yeri tutmaq (ümumi xalların azı 60 faizin toplamaq şərti ilə) və ya aşağıda göstərilən hesabat üzrə 25 xal toplamaq (10-dan az olmayaraq bəstə nəşr etdirmək şərti ilə),
İdman ustalığına namizəd (İUN) - aşağıda göstərilən hesabat üzrə nəşr olunmuş bəstələrə görə 50 xal toplamaq (xalların 20 faizi mükafat olmaq şərti ilə):

FİDE Albomuna daxil olmaq-10 xal,
Olimpiya müsabiqəsində və ya Dünya kubokunda mükafat almaq (I-III) -10 xal,
Komanda dünya çempionatında (WCCT) zaçota düşmək - 5 хаl, şəxsi hesabda I-X yeri tutmaq -10 xal,
I-III-cü Mükafat almış bəstəyə görə - 5 xal,
Mükafat almış bəstəyə görə - 4 xal, miniatürə görə xüsusi mükafata 2 xal,
Fəxri rəy - 3 xal,
Tərifnamə - 1 xal,

Azərbaycan çempionatında 1-2-ci yeri tutmuş və ya bu nəticə ilə yerləri bölmüş orijinal bəstələr 3 xal, 3-cü yer və ya bu nəticə ilə yerləri bölmüş orijinal bəstələr 2 xal,
Ardıcıl olaraq (yalnız bir çempionata fasilə icazə verilir) iki ölkə çempionatında və ya bir çempionatın iki bölməsində mükafatçı olmaq (əsərlərin hamısı şərikli (birgə) olmamaq və həmçinin ümumi xalların azı 65 faizin toplamaq şərti ilə).
QEYD: Eyni bəstəyə görə yalnız ən yüksək xal seçilir.

İdman ustası (İU) - Yuxarıda göstərilən hesabata görə 70 xal toplamaq (xalların 20 faizi mükafat olmaq şərti ilə).
Ölkə çempionatında istənilən bölmədə I yeri tutmaq (əsərlərin hamısı şərikli (birgə) olmamaq və həmçinin ümumi xalların 70 faizin toplamaq şərti ilə) və növbəti çempionatda mükafatçı olmaq (yalnız bir çempionata fasilə icazə verilir) və ya bir çempionatın iki bölməsində yuxarıda göstərilən şərt yerinə yetirilərsə,
Şəxsi dünya çümpionatında I-X yeri tutmaq,
Miniatür üzrə dünya çümpionatında I-V yeri tutmaq.
FIDE Albomuna beş məsələ və ya etüd daxil olarsa (onlardan 1-i şərikli olmamaq şərti ilə).
 

QEYD: Çempionatda  iştirakçıların sayı 3-dən az olarsa, İUN və İU adları verilməyəcək. Dərəcə və adların alınması üçün İUN-15 və İU-25 bəstədən ibarət yaradıcılıq hesabatı AŞF-nin bəstəçilik komissiyasına təqdim olunmalıdır.


2. ŞAHMAT BƏSTƏLƏRİNİN HƏLLİ ÜZRƏ

III idman dərəcəsi – şahmat bəstələrinin həlli üzrə AŞF (ŞBK) -nin keçirdiyi istənilən müsabiqədə 50 faizdən az olmayaraq məsələ həll etmək.
II idman dərəcəsi – şahmat bəstələrinin həlli üzrə AŞF (ŞBK)-nin keçirdiyi müsabiqədə 75 faizdən az olmayaraq məsələ həll etmək.
I idman dərəcəsi – həlletmə üzrə ölkə çempionatında I-V və ya AŞF (ŞBK)-nin keçirdiyi respublika miqyaslı yarışda I-III yeri tutmaq.
İdman ustalığına namizəd (İUN) – həlletmə üzrə ölkə çempionatında iki dəfə mükafatçı olmaq,
Beynəlxalq əmsalı 2200 olmaq (aktiv).
Beynəlxalq Şahmat Bəstəçiliyi Federasiyasının «International Solving Contest» yarışında ümumi hesabda I-III yeri tutmaq.
İdman ustası (İU) – həlletmə üzrə ölkə çempionatında qalib gəlmək və növbəti çempionatda mükafatçı (I-III) olmaq,
Dünya və Avropa çempionatlarında şəxsi hesabda I-X, Dünya kubokunda I-V yeri tutmaq,
Avropa və dünya çempionatında keçirilən Open turnirdə I-III yeri tutmaq,
Beynəlxalq əmsalı (tam, yarımreytinq yox) 2300-dən yuxarı olmaq,
QEYD: Qiyabi yarışlara görə dərəcə verilmir.

Категория: Chess Composition

 

2-ci Dünya kubokunda bürünc medal

Автор: ilham от 9-09-2011, 21:24, посмотрело: 1662

0

 2-ci Dünya kubokunda bürünc medal


 19-27 avqust İtaliyanın Jesi şəhərində keçirilən 54-cü Ümumdünya Şahmat Bəstəçiliyi konqresində şahmat bəstələrinin tərtibi üzrə FİDE-nin 2-ci Dünya kubokunun təltif mərasimi keçirildi. Ötən il olduğu kimi, bu il də dünya kubokunun direktoru və təşkilatçısı kimi məşhur şahmat bəstəçisi Petko Petkov (Bolqarıstan) çıxış etdi.

 Xatırladım ki, səkkiz bölmə üzrə keçirilən yarışda üç şahmatçımız uğur qazanıb. 23 ölkədən 38 etüdün iştirak etdiyi etüd bölməsində İlham Əliyevin (Sumqayıt) etüdü 2-ci Xüsusi mükafat, 18 ölkədən 30 məsələnin iştirak etdiyi çoxgedişli bölmədə isə Vidadi Zamanovun (Göyçay) məsələsi miniatürə görə mükafat qazanıb.
Ən böyük uğuru isə İmişli şahmatçısı Kənan Vəlixanov qazanıb. Onun üçgedişli məsələsi 13 ölkədən 28 məsələnin iştirak etdiyi Dünya kubokunda 3-cü yer tutub.
Qeyd edim ki, Kənan 1998-ci ildən Ukraynada yaşasa da, Azərbaycan vətəndaşıdır və bütün yarışlarda ölkəmizi təmsil edir. K.Vəlixanovu təbrik edirik və ona yeni yaradıcılıq uğurları arzulayırıq!

Категория: Chess Composition

 

“Olimpiya dünyası”nın etüdü İtaliyada “İlin etüdü” seçildi

Автор: ilham от 8-09-2011, 23:41, посмотрело: 1600

0

 “Olimpiya dünyası”nın etüdü İtaliyada “İlin etüdü” seçildi

 

  19-27 avqust İtaliyanın Jesi şəhərində keçirilən 54-cü Ümumdünya Şahmat Bəstəçiliyi konqresinin maraqlı tərəflərindən biri də Beynəlxalq Şahmat Bəstəçiliyi Federasiyasının (BŞBF) iclasları idi. Burada şahmat bəstəçiliyinin bir çox problemləri müzakirə olundu, şahmat bəstəçiliyi kodeksinə əlavələr və dəyişikliklər edildi.

  Ənənəvi olaraq, hər il konqresdə ilin etüdü də seçilir. Etüd komissiyasının üzvlərinə 2010-cu ilin etüdü namizədliyinə 10 etüd təqdim edilmişdi. Sevindirici haldır ki, bu etüdlər arasından 2010-cu ildə Azərbaycan Milli Olimpiya komitəsinin mətbuat orqanı olan “Olimpiya dünyası” qəzetində 1-ci fəxri rəy almış etüd yekdilliklə “İlin etüdü” seçildi.

  İlin etüdü BŞBF-nın rəsmi saytında wfcc.ch, www.saunalahti.fi/~stniekat/pccc/study10.htm yerləşdirilib və konqresin xüsusi buraxilmış bülletenində dərc olunub.

  Bu xoş hadisə bir daha ölkəmizin qəzetimizdə keçirilən yarışların səviyyəsinin yüksək olmasını göstərir.


ilin-etudu.pdf [0 b] (cкачиваний: 92)

Категория: Chess Composition

 

Şahmat məsələlərinin həlli üzrə 35-ci dünya çempionatı

Автор: ilham от 6-09-2011, 23:39, посмотрело: 1605

0

 

                          Şahmat məsələlərinin həlli üzrə 35-ci dünya çempionatı


 19-27 avqust İtaliyanın Jesi şəhərində 54-cü ümumdünya şahmat bəstəçiliyi konqresi keçirildi. Konqresin proqramına şahmat məsələlərinin həlli üzrə 35-ci dünya çempionatı, Open-turnir, çoxsaylı həlletmə, tərtib yarışları və Beynəlxalq Şahmat Bəstəçiliyi Federasiyasının (BŞBF) iclasları daxil idi. Ölkəmizi bu yarışda Ramil Cavadov (İsmayıllı), Araz Alməmmədov (Qəbələ) Zaur Məmmədov (Bakı), Misrətdin İskəndərov (Sumqayıt), Lütfiyar Rüstəmov (Bakı), baş məşqçi və ölkəmizin bu təşkilatda nümayəndəsi İlham Əliyevdən (Sumqayıt) ibarət yığma komanda təmsil etdi.
 Ənənəvi olaraq, komandanın tərkibi Open turnirdən sonra müəyyənləşdirildi. 30 ölkədən 93 nəfərin iştirak etdiyi yarış iki mərhələdən ibarət oldu. Hər mərhələdə şahmatçılara 90 dəqiqə ərzində 6 tapşırıq həll etmək tələb olunurdu. Həllçilərimiz arasında ən yaxşı nəticəni A.Alməmmədov 53,5 xalla 11-ci yeri tutaraq göstərdi, Z.Məmmədov 48,5 xal, R.Cavadov isə 41 xal, M.İskəndərov 40 xal, L.Rüstəmov isə 38 xal topladı. Beləliklə, dünya çempionatı üçün milli komandanın üç nəfərdən ibarət heyəti məlum oldu.
Open turnirin qalibi isə 60 xalla (169 dəq) Kacper Piorun (Polşa) oldu, 2-ci eyni xal toplayan, lakin tapşırıqların həllinə 176 dəqiqə sərf edən Georgi Evseev (Rusiya), 3-cü isə 59,5 xalla (134 dəq) Ofer Comay (İsrail) oldu.
 35-ci dünya çempionatında iştirakçılara 6 bölmə üzrə (ikigedişli, üçgüdişli, etüdlər, yardımlımat, çoxgedişli, əksmat) 18 məsələ təqdim edilmişdi. Komandamızın lideri R.Cavadov burada nəhayət ki, öz sözünü dedi və 69,5 xalla (320 dəq) 18-ci yeri tutdu, A.Alməmmədov 58 xalla 38-ci (334 dəq), Zaur Məmmədov 49,5 xalla 54-cü oldu. İlk dəfə belə yarışlarda çıxış edən 16 yaşlı Sumqayıt şahmatçısı Misrətdin İskəndərov yığma komandanın iki üzvündən daha yaxşı nəticə göstərərək 58 xalla (314 dəq) 37-ci oldu.
 Şəxsi hesabda 83 xalla (337 dəq) Kacper Piorun (Polşa) ilk dəfə olaraq çempion adını qazandı, 2-ci 80 xalla (288 dəq) şahmat üzrə beynəlxalq qrossmeyster və həlletmə üzrə dünya və Avropa çempionu John Nunn (Böyük Britaniya), 3-cü isə eyni xalla, lakin 319 dəqiqə ilə dəfələrlə dünya və Avropa çempionu Piotr Murdzia (Polşa) oldu.
 Komanda hesabında çempion 164 xalla Polşa (P.Kacper, P.Murdzia, A.Mista) oldu, Böyük Britaniya (J.Nunn, J.Mestel, M.McDowell) 154 xalla 2-ci, Serbiya (V.Podinic, B.Vuckovic, M.Kovacevic) isə 152 xalla 3-cü oldu.
 Çox heyiflər olsun ki, komandamızın gənc üzvü Z.Məmmədov məsələnin həllində notasiya səhvi etdi ki, bu da bizim 5 xal itirməyimizə səbəb oldu və beləliklə Azərbaycan komandası 130,5 xalla 11-ci yeri tutdu, halbuki bu səhv olmasa idi, biz 10-cu olurduq. Maraqlıdır ki, M.İskəndərovun nəticəsi ilə biz ümumi hesabda Almaniya (136,5 xal) və Xorvatiyanı (135 xal) ötərək 9-cu olurduq.
Mənim fikrimcə, həllçilərimizin qeyri-stabil nəticələrini onların təcrübəsizliyi və il boyu çox az yarışlarda iştirakı ilə izah etmək olar. Əksər mütəxəssislərin qeyd etdiyi kimi gənc şahmatçılardan ibarət olan yığmamızın çox böyük potensialı var.
 Sevindirici haldır ki, Open turnirin nəticəsinə görə Araz Alməmmədov, dünya çempionatının nəticəsinə görə isə Ramil Cavadov ölkə tarixində ilk dəfə olaraq beynəlxalq usta normasını topladılar. İndi onların bu ada sahib olması üçün yalnız əmsallarını 2500-ə çatdırması qalır. Araz bu yarışın nəticəlirinə əsasən həlletmə üzrə FİDE ustası adını, Zaur isə FİDE ustasının ilk balını aldı.

 

Категория: Chess Composition

 

Gözəl insan, məşqçi və etüdçü

Автор: ilham от 5-09-2011, 02:07, посмотрело: 1721

0

Gözəl insan, məşqçi və etüdçü

 

 Əziz dostlar,
26 avqust Samir Bədəlov (13.02.1962-26.08.2011) əməliyyatdan sonra vəfat etdi. Mənə onun haqqında yazmaq çox çətindir. Mən onu yaxından tanıyırdım, tez-tez Bakıda görüşürdük, şahmat haqda, məşqçilik qayğıları və əlbəttə ki, etüdlər barədə söhbət edirdik. O çox gözəl insan və həmsöhbət idi.
 Samir ölkəmizin nəinki ən yaxşı şahmat məşqçilərindən idi, o həm də istedadlı etüd tərtibçisi idi. Sirr deyil ki, məhz bu amil bizi daha yaxınlaşdırmışdı. Hərçənd ki, o bununla razılaşmırdı və 2010-cu ildə Almaniyada tanınmış etüdçü və naşirçi Gerhard Josten tərəfindən ingilis dilində buraxılmış “A study apiece” kitabında, yaradıcılığı haqqında yazıda, özünü əsil etüdçü saymırdı. Halbuki onun çox gözəl etüdləri var idi və bu təvazökarlıqdan başqa bir şey deyildi. Mən fəxr edirəm ki, Samiri bir etüdçü kimi kəşf etdim, onu inandıra bildim ki, əla etüdlər tərtib edə bilər və onun hər zaman bunu xüsusi qeyd etməsi mənə xüsusi ilə xoş idi. Onun 20-yə yaxın etüdü var. O, etüdlərin tərtibi üzrə 9-cu Azərbaycan çempionatında gümüş medala sahib olub, bir sıra etüdləri beynəlxalq yarışlarda mükafat qazanıb.
  Samir hər zaman heyfslənirdi ki, məşqçilik fəaliyyəti çox vaxt alır və etüd tərtibinə lazımı diqqəti ayıra bilmir. O etüd tərtibindən böyük ləzzət almasını hər zaman vurğulayırdı.
 Belə insanların itirilməsi ikiqat ağırdır. O hər zaman bizim yaddaşımızda qalacaq. Samir Bədəlovun şahmatda və şahmat bəstəçiliyində yeri hər zaman görünəcək.
Fürsətdən istifadə edib onun ailəsinə başsağlığı vermək istərdim. ALLAH RƏHMƏT ETSİN!


Ilham Əliyev (Sumqayıt)

 

Hörmətli oxucular,
İndi sizin diqqətinizə, yuxarıda söhbət edilən kitabdan Samir Bədəlovun məqaləsinin rusca versiyasını təqdim edirik.
a-study-apiece-samir-badalov.pdf [0 b] (cкачиваний: 150)

Категория: Chess Composition

 

Sumqayıtda şahmat etüdlərinin həlletmə yarışı

Автор: ulvich от 7-08-2011, 23:31, посмотрело: 1923

0

3 avqust Sumqayıt şahmat məktəbində şahmat etüdlərinin həlli üzrə yarış keçirildi. Azərbaycan Şahmat Federasiyası Bəstəçilik komissiyası tərəfindən təşkil edilmiş yarış müasir Azərbaycan şahmat bəstəçiliyinin banisi, beynəlxalq usta Aleksandr Sarıçevin xatirəsinə həsr olunmuşdu. Xatırladaq ki, 2 avqust onun doğum günü idi.
Yarışda ölkəmizin 7 şəhərindən (Bakı, Sumqayıt, İsmayıllı, Qəbələ, Qobustan, Laçın, Şabran) 18 şahmatçı öz qüvvəsini sınadı. Yarış həmçinin, 19-27 avqust İtaliyanın Jesi şəhərində keçiriləcək həlletmə üzrə dünya çempionatına hazırlıq mərhələsi daşıyırdı. Ölkəmizin dünya çempionatında iştirak edəcək yığma komandası tam heyətdə burada iştirak etdi. Yarış 2 raunddan ibarət oldu. Hər raundda iştirakçılara 90 dəqiqə ərzində 4 etüd həll etmək tələb olunurdu. Hər düzgün həll edilmiş etüdə görə 5 xal verilirdi. Yarışın mükafat fondu 100 ABŞ dolları idi.
Gərgin keçən mübarizədə yığma komandanın gənc üzvləri qalib gəldilər. 40 mümkün xaldan 37 xal (58 dəq) toplayaraq, beynəlxalq usta Zaur Məmmədov (Bakı) qalib gəldi. 2-ci yeri 36 xalla (82 dəq) Misrətdin İskəndərov (Sumqayıt), 3-cü yeri isə 35,5 xalla (180) komandanın lideri Ramil Cavadov (İsmayıllı) tutdu. Yığma komandanın daha bir üzvü Araz Alməmmədov (Qəbələ) 26 xalla (180 dəq) 4-cü oldu. 5-ci yeri isə 18 xalla (174 dəq) tanınmış etüd ustamız Muradxan Muradov (Qobustan) tutdu. Qadınlar arasında ən yaxşı nəticəni 11 xalla (172 dəq) Aysel Bəxtiyarlı (Sumqayıt) 11 xal (172 dəq) toplayaraq göstərdi, 2-ci 8,5 xalla (151 dəq) Nərmin Məmmədova (Bakı), 3-cü isə Lalə Rzabəyli (Sumqayıt) oldu.
Sevindirici haldır ki, bu yarışda gənc şahmatçılar yaxşı nəticə göstərdilər. 14 yaşlı Murad Nuri (Sumqayıt) 17,5 xalla (153 dəq) yarışda 6-cı oldu. Maraqlıdır ki, o bu nəticə ilə yığma komandanın 15,5 xalla (180 dəq) 7-ci yeri tutan üzvü Aqşin Məsimovu (Bakı) qabaqladı. 12 yaşadək şahmatçılar arasında Azərbaycan birinciliyinin final mərhələsində 2-ci yeri tutaraq Avropa birinciliyinə vəsiqə qazanmış Ceyhun Hüseynzadə (Sumqayıt) isə 13 xalla (127 dəq) 8-ci oldu.
Qeyd edək ki, yarışda həlletmə üçün A.Sarıçevin səkkiz etüdü təqdim edilmişdi. Yarışda verilən etüdləri sizə təqdim edirik, onları həll edin və özünüzü qiyabi olaraq yarışda hiss edin.

sumgayit-etudler.pdf [0 b] (cкачиваний: 99)
sumgayit-helli.pdf [0 b] (cкачиваний: 62)
sumgayit-cedvel.pdf [0 b] (cкачиваний: 71)

Категория: Chess Composition

 

İsmayıllı Respublika Şahmat Olimpiadası tanınmış rus saytında

Автор: ilham от 3-08-2011, 21:21, посмотрело: 1909

0

İsmayıllı Respublika Şahmat Olimpiadası tanınmış rus saytında 

17 avqust 2011 tarixdə İsmayıllı şəhərində keçirilən 16 yaşadək yeniyetmələrin Respublika Şahmat Olimpiadasının həlletmə çempionatı Rusiyanın tanınmış şahmat bəstəçiliyi saytında yerləşdirilib. Saytda qısa məqalə, qaliblərinn şəkilləri, cədvəl və tapşırıqlar da verilib.
Sayta baxmaq üçün buraya tıklayın: http://ru-chess-art.livejournal.com/124294.html#cutid1

Категория: Chess Composition

 

Şahmat bəstəçiliyi üzrə şəxsi 10-cu Azərbaycan çempionatı

Автор: ilham от 2-08-2011, 01:24, посмотрело: 1611

0

Şahmat bəstəçiliyi üzrə şəxsi 10-cu Azərbaycan çempionatı

(10th Azerbaijan individual chess composing championship) 2007-2010

ƏSASNAMƏ

1. Çempionatı AŞF Şahmat bəstəçiliyi komissiyası Beynəlxalq Şahmat Bəstəçiliyi Federasiyasının (BŞBF) qaydalarına əsasən keçirir.
2. Yarışlarda dərc olunmuş və orijinal bəstələr iştirak edə bilər (etüdlər 2007-2009, ikigedişli, üçgedişli, çoxgedişli, yardımlımat, əksmat 2007-2010). Birgə əsərlərin də iştirakına icazə verilir.
3. Çempionat qapalı keçirilir, yarışlarda yalnız Azərbaycan vətəndaşları iştirak edə bilər. İstisna yalnız birgə əsərlərə edilir.
4. Bəstələr 10 ballı sistemlə (0-dan 10-a kimi yarım xal da daxil olmaqla) qiymətləndiriləcək.
5. Hər bölmədə iştirak üçün hər müəllif tərəfindən yalnız 6 əsər təqdim oluna bilər ki, bunlardan üçü zaçota daxil olacaq. Bölmədə bəstələrin sayı az olarsa, onda zaçota daxil olan əsərlərin sayı azaldıla bilər.
6. Bölmələrdə iştirakçıların sayı az olarsa, həmin bölmə üzrə zaçota düşən bəstələrin sayı azaldılıa bilər.
7. Yarışlarda iki və daha çox bəstəçi eyni xal toplayarsa, yerlər daha yüksək xal almış bəstəyə görə müəyyən ediləcək. Əgər zaçota düşən bəstələrin xalı eyni olarsa, onda digər zaçota düşməyən məsələyə görə, daha çox xal toplayan mübarizədə qalib gəlir.
8. Çempionatda ilk üç yeri tutan şahmat bəstəçilərinə müvafiq dərəcəli fəxri fərmanlar və pul mükafatları təqdim olunacaq.
9. Çempionatın mükafat fondu: 500 ABŞ dolları.
10. Hakimlərlə əlaqə yalnız çempionatın direktoru İlham Əliyev (Sumqayıt) vasitəsi ilə aparılır.

Şahmat bəstəçiliyi üzrə şəxsi 9-cu Azərbaycan çempionatının hakimləri:
(#2) İkigedişli - Bəxtiyar Rüstəmov (Bakı, Azərbaycan)
(#3) Üçgedişli - Aleksandr Sıqurov (Rusiya)
(N#) Çoxgedişli - Rauf Əlövsətzadə (ABŞ)
(+ =) Etüdlər - Muradxan Muradov (Qobustan, Azərbaycan)
(H#) Yardımlımat - Vladimir Persiyanov (Rusiya)
(S#) Əksmat - Rauf Əlövsətzadə (ABŞ)

Категория: Chess Composition

 

Həlletmə reytinqi-1 İyul 2011-ci il

Автор: ilham от 25-07-2011, 21:03, посмотрело: 1280

0

Həlletmə reytinqi - 1 İyul 2011-ci il

Beynəlxalq Şahmat Bəstəçiliyi Federasiyası (World Federation for Chess Composition) şahmat həllçilərinin 1 iyul üçün beynəlxalq əmsallarını açıqlayıb:
http://www.saunalahti.fi/~stniekat/pccc/rat17.htm

WFCC-in siyahısında liderlik uğrunda üç nəfərin mübarizə apardığını desək, yanılmarıq. P.Murdzia (Polşa) və G.Evseevin (Rusiya) çoxillik mübarizəsinə, qısa fasilədən sonra şahmat üzrə beynəlxalq qrossmeyster John Nunn (İngiltərə) qoşulub. Xarıtladaq ki, o həlletmə üzrə son Avropa və dünya çempionu adını qazanıb.

1. GM Murdzia, Piotr POL 2825
2. GM Evseev, Georgy RUS 2796
3. GM Nunn, John GBR 2774
Bizim həllçilərə gəldikdə isə, Araz Alməmmədov (Qəbələ) ölkə yığmasının lideri adını itirib. Artıq bir müddətdir ki, FIDE ustası Ramil Cavadov (İsmayıllı) bu ada yiyələnib, o dünya reytinqində 48-ci pillədədir, Araz isə ötən il ilk əlliliyə daxil olsa da, artıq 64-cü pilləyə düşüb.
Şahmat üzrə beynəlxalq usta Zaur Məmmədov (Bakı) həlletmə üzrə elə ilk yarışdan yaxşı reytinq toplayıb və dünya siyahısında 130-cu yerdədir. Arzu edək ki, o əmsalını şahmat reytinqinə çatdırsın. Lütfiyar Rüstəmovun (Bakı) da imkanlarının böyük olmasını nəzərə alsaq, onun da reytinqini artıracağına ümid bəsləmək olar, indi o 141-ci sıradadır. Xatırladaq ki, o da bu əmsalı elə ilk yarışdan toplayıb.
Aqşin Məsimov (Bakı) isə reytinqini faciəli surətdə aşağı salmaqda davam edir. Bir il öncə onun reytinqi 2204 olsa da, son dörd yarışda 93 punkt itirərək, onu 2111-ə çatdırıb və artıq dünya reytinqində 189-cu pilləyə düşüb.
Veteran həllçimiz A.Piriverdiyev isə uzun fasilədən sonra, bu il Polşada keçirilən Avropa çempionatından sonra beynəlxalq reytinqinə 44 punkt əlavə edib.

48. FM Javadov, Ramil AZE 2433
63. Almammadov, Araz AZE 2389
130. Mammadov, Zaur AZE 2219
141. Rustamov, Lutfiyar AZE 2197
189. Masimov, Agshin AZE 2111
304. Piriverdiyev, Anatoly AZE 1937

Ilham Əliyev (Beynəlxalq hakim)
Şahmat bəstəçiliyi üzrə yığma komandanın baş məşqçisi

Категория: Chess Composition

 

Etüdçümüz dünya saytlarında

Автор: ilham от 23-07-2011, 19:17, посмотрело: 1478

0

Etüdçümüz dünya saytlarında

Ölkəmizin tanınmış etüdçüsü, şahmat bəstəçiliyi üzrə beynəlxalq hakim İlham Əliyevin (Sumqayıt) bu günə kimi şahmat mətbuatında 200-dən artıq etüdü dərc olunub ki, onlardan da 70-i beynəlxalq yarışlarda mükafat qazanıb. Onun etüd yaradıcılığı dünyanın bir çox saytlarında əks olunub. Bu gün həmin saytlardan bir neçəsini sizə təqdim edirik.

Mərakeş Şahmat Federasiyasının rəsmi saytı:
http://www.maroc-echecs.com/spip.php?article1130

Rusiyanın populyar şahmat bəstəçiliyi saytı:
http://www.popovgl.narod.ru/probl/Aliev.html 

Tanınmış gürcü etüdçüsü İuri Akobianın etüd saytı:
http://akobia.geoweb.ge/co_authors_1.html

Rusiyanın populyar şahmat saytı:
http://webchess.ru/content/19/art120.htm

Категория: Chess Composition

 

Respublika Şahmat Olimpiadasında həlletmə çempionatı

Автор: ilgar от 23-07-2011, 01:44, посмотрело: 2667

0

Respublika Şahmat Olimpiadasında həlletmə çempionatı

Xəbər verdiyimiz kimi, 12-21 iyul 2011 tarixdə keçirilən
16 yaşadək Respublika Şahmat Olimpiadasının proqramına ilk dəfə olaraq həlletmə çempionatı daxil edilmişdi.
Yarış 17 iyul saat 16.30-da İsmayıllı Olimpiya kompleksində keçirildi. Yarışda 75 şahmatçı iştirak etdi. İştirakçılara 90 dəqiqə ərzində 8 məsələ (ikigedişli, üçgedişli, çoxgedişli və etüd) həll etmək tapşırığı verilmişdi. Hər düzgün həll edilmiş məsələyə görə 5 xal verilirdi.
Mükafat fondu 100 manat olan çempionatın qalibləri
12 və 16 yaş qruplarında müəyyənləşdirildi.
Yarışın mükafat fondu aşağıdakı kimi bölüşdürüldü:
16 YAŞ OĞLANLAR:

1. Babazadə Cavidan (Lənkəran) 15 AZN,
2. Abbasov Amil (Gəncə)10 AZN,
3. Nuri Murad (Sumqayıt) 8 AZN,
4. Fətəliyeva Ülviyyə (Gəncə) 7 AZN,
5. Səlimov Şövkət (Sumqayıt) 5 AZN.

16 YAŞ QIZLAR:
Rzabəyli Lalə (Sumqayıt) 5 AZN

12 YAŞ OĞLANLAR:
1.Nağdıyev Niyazi (Bakı) 15 AZN,
2.Aslanov Fərid (Sumqayıt) 10 AZN,
3.Hüseynzadə Ceyhun (Sumqayıt) 8 AZN,
4.Sadiqli Aslan (Bakı) 7 AZN,
5-6.Abışlı Oğuz (Bakı) 3 AZN və Məmmədzadə Tural (Bakı) 3 AZN.

12 YAŞ QIZLAR: Heydərova Aytac (Bakı) 5 AZN.

Yarışın tapşırıqları, həlləri və cədvəli ilə aşağıda tanış ola bilərsiniz.

ismayilli-problems.pdf [0 b] (cкачиваний: 104)
ismayilli-solutions.pdf [0 b] (cкачиваний: 114)
ismayilli-17.07.2011-table.pdf [0 b] (cкачиваний: 73)

Baş hakim: İlham Əliyev (Sumqayıt)
Şahmat bəstəçiliyi üzrə beynəlxalq hakim

Категория: Chess Composition

 

Həmyerlimiz Amerikada

Автор: ilham от 11-07-2011, 22:48, посмотрело: 1554

0

Həmyerlimiz Amerikada
ABŞ - da yaşayan həmyerlimiz, tanınmış şahmat məsələləri tərtibçisi Rauf Əlövsətzadə, bu ölkənin məşhur “StrateGems” şahmat bəstəçiliyi jurnalında üçgedişli məsələlər bölməsinin redaktorudur. Bu jurnala orijinal şahmat məsələləri göndərmək istəyənlər (yalnız üçgedişli məsələ!) üçün həmyerlimizin elektron ünvanını təqdim edirik: rauf.aliovsadzade@gmail.combakili97@netzero.net

Категория: Chess Composition

 

2-ci Dünya kuboku

Автор: ilgar от 10-07-2011, 16:26, посмотрело: 1674

0

2-ci Dünya kubokunda şahmat bəstəçilərimizin uğuru!

FIDE-nin (Beynəlxalq Şahmat Federasiyası) “Şahmat bəstəçiliyi” xüsusi layihəsi şahmat bəstəçiliyi üzrə 2-ci Dünya kubokunun nəticələrini elan edib. Səkkiz bölmə üzrə keçirilən yarışlarda artıq üç bölmənin nəticələri məlumdur.
Sevindirici haldır ki, ölkəmizin üç şahmat bəstəçisi bu yarışda uğur qazanıb. Etüd bölməsində 23 ölkədən 38 etüdün iştirak etdiyi yarışda İlham Əliyevin (Sumqayıt) etüdü 2-ci Xüsusi Mükafat, üçgedişli bölmədə 12 ölkədən 28 məsələnin iştirak etdiyi yarışda Kənan Vəlixanovun (İmişli) məsələsi 1-ci fəxri rəy, çoxgedişli bölməsində isə 18 ölkədən 30 məsələnin iştirak etdiyi yarışda isə Vidadi Zamanovun (Göyçay) məsələsi miniatürə görə mükafat qazanıb. Fürsətdən istifadə edib, şahmat bəstəçilərimizi təbrik edirik və onlara yeni yaradıcılıq uğurları arzulayrqırıq.
Şahmat bəstələrini müstəqil həll edin, cavabları ilhamaliev@mail.ru ünvanına göndərə bilərsiniz.
dunya-kuboku.doc [0 b] (cкачиваний: 99)

Категория: Chess Composition

 

Respublika Şahmat Olimpiadasında həlletmə çempionatı

Автор: ilham от 29-06-2011, 01:35, посмотрело: 1736

0

Respublika Şahmat Olimpiadasında həlletmə çempionatı
12-23 iyul 2011-ci tarixdə İsmayıllı şəhərində keçiriləcək 16 yaşadək yeniyetmələrin Respublika Şahmat Olimpiadasının proqramına həlletmə üzrə çempionat daxil edilmişdir. Çempionat dörd bölmədə keçirilir (ikigedişli, üçgedişli, çoxgedişli və etüd). Bir saat ərzində 8 tapşırıq təqdim ediləcək. Qaliblər 12 və 16 yaş qruplarında müəyyənləşdiriləcək.
Çempionatın mükafat fondu 100 manat.
Yarışda iştirak etmək istəyənlər baş hakim İlham Əliyevə (Sumqayıt) müraciət edə bilərlər:
Tel: (050) 515 40 99
E-mail: ilhamaliev@mail.ru

Изменил: ulvich

Категория: Chess Composition

 

Olimpiya dünyası 2011

Автор: ilgar от 28-06-2011, 03:47, посмотрело: 2061

0

Olimpiya dünyası 2011
(+=, #2, #3, N#)
Azərbaycan Milli Olimpiya komitəsinin mətbuat orqanı olan “Olimpiya dünyası” qəzeti şahmat bəstələrinin tərtibi üzrə beynəlxalq yarışlar keçirir.
Şahmat guşəsi həftədə bir dəfə, çərşənbə axşamı və ya cümə günləri işıq üzü görür.
Orijinal bəstələri guşənin aparıcısı və yarışın təşkilatçısı İlham Əliyevə (Sumqayıt) göndərmək lazımdır.
E-mail: ilhamaliev@mail.ru
Bəstələrin son göndəriş günü: 20.10.2011.
Sizə 2011-ci il üçün yarışların hakimlərini təqdim edirik:
+= (etüdlər) - Andrey Selivanov (Rusiya)
#2 (İkigedişli) – Kənan Vəlixanov (İmişli)
#3 (Üçgedişli) - Aleksandr Melniçuk - Rusiya),
#N (çoxgedişli) - Aleksandr Sıqurov (Rusiya)
od-2010-studies-2.pdf [0 b] (cкачиваний: 97)
od-2010-3-n-award.pdf [0 b] (cкачиваний: 105)


Informaltourney "ОLIMPIYA DUNYASI 2010 (studies, #2, #3, N#) 
The newspaper " Оlimpiya dunyasi " (body of National Olympic Committee of Azerbaijan) announces an International Composing Tourney
(studies- Judge: Andrey Selivanov (Russia),
#2- Judge: Kenan Velikhanov (Azerbaijan),
#3 -Judge-Aleksandr Melnichuk (Russia),
N# - Judge: Aleksandr Sygurov (Russia)
"Оlimpiya dunyasi- 2011". No set theme. In problems of the publication and awards are sent only on the e-mail of authors. Closing date - 20.10.2011.
Send to: Ilham Aliev (Azerbaijan) ilhamaliev@mail.ru
Рубрика шахматной композиции газеты "Оlimpiya dunyasi" (орган Национального Олимпийского Комитета Азербайджана, тираж 5000)
проводит годовой конкурс по составлению задач (этюды, #2, #3, N#) за 2011 год.
Ведущий рубрики и организатор Ильгам Алиев (Азербайджан).
Судьи: этюды - Андрей Селиванов (Россия),
#2 – Кенан Велиханов (Азербайджан),
#3 – Александр Мельничук (Россия),
N# - Александр Сыгуров (Россия).
Оригинальные задачи присылайте на адрес ilhamaliev@mail.ru .
Срок присылки - до 20.10.2011.
Публикации задач и присуждение высылаются на Эл- почту авторов.

Категория: Chess Composition

 

Şahmat bəstəçiliyi üzrə 9-cu komanda dünya çempionatı

Автор: ilgar от 28-06-2011, 02:21, посмотрело: 1571

0

Şahmat bəstəçiliyi üzrə 9-cu komanda dünya çempionatı

Beynəlxalq Şahmat Bəstəçiliyi Federasiyası şahmat bəstəçiliyi üzrə 9-cu komanda dünya çempionatının reqlamentini elan edib. Çempionat 7 bölmədə keçirilir:
A) ikigedişli (#2),
B) üçgedişli (#3),
C) çoxgedişli (N#),
D) etüdlər (+=),
E) yardımlı mat (H#3),
F) əks-mat (S#3),
G) Nağıl.

Turnirin direktoru – Harry Fougiaxis (Yunanıstan). Şahmat bəstələrinin son göndəriş günü 15 aprel 2012, Azərbaycan yığmasının baş məşqçisi İlham Əliyevə (Sumqayıt) son göndəriş tarixi isə 1 mart 2012-dir. Təltif bukleti 1 Oktyabr 2013-cü ildə nəşr ediləcək və bütün komandalara göndəriləcək. Qaliblərin mükafatlandırılması isə 2013-cü ildə Şahmat bəstəçiliyi konqresində keçiriləcək..
Dünya çempionatının mövzuları ilə tanış olmaq istəyənlər fayla baxa bilərlər.

9th-wcct.doc [0 b] (cкачиваний: 73)

Категория: Chess Composition

 

“Şto?, Qde?, Koqda?” və şahmat bəstəçiliyi

Автор: ilgar от 18-06-2011, 23:40, посмотрело: 1766

0

“Şto?, Qde?, Koqda?” və şahmat bəstəçiliyi
Ötən həftə Rusiyanın məşhur “Şto?, Qde?, Koqda?” verilişində əlamətdar hadisə baş verdi.
Tamaşaçı tərəfindən verilən suala bilicilər cavab tapa bilmədilər.
Halbuki, əksər şahmat bəstəçiləri bu suala cavabı çox asanliqla verə bilərdilər.
Qazaxıstanlı tamaşaçıya şahmat bəstəçiliyinin reklamına görə ancaq minnətdar olmaq olar.

Verilişə və təqdim olunan suala burada baxa bilərsiniz:
http://ru-chess-art.livejournal.com/114973.html

Категория: Chess Composition

 

Həlletmə üzrə 32-ci Azərbaycan çempionatı

Автор: ilgar от 20-04-2011, 23:54, посмотрело: 1782

0

Respublika Şahmat Mərkəzində keçirildi. Yarışda ölkəmizin 12 şəhərindən 30 şahmatçı
öz qüvvələrini sınadı. Milli çempionat dünya çempionatının reqlamentinə uyğun olaraq altı
bölmədə keçirilirdi. Hər bölmədə 3, ümumi isə 18 tapşırıq təqdim edildi. İlk gün ikigedişli (20 dəq), üçgedişli (60 dəq) və etüdlər (100 dəq), ikinci gün isə çoxgedişli (80 dəq), yardımlı mat (50 dəq) və əks mat (50 dəq) məsələləri təqdim edildi. Heyiflər olsun ki, yardımlı mat janrında çoxgedişli məsələdə diaqramda səhv edildiyi üçün, həmin məsələ yarışdan çıxarıldı.
FİDE ustası Ramil Cavadov (İsmayıllı) ilk bölmələrdən uğurlu start götürdü. O, 85 mümkün xaldan 69 xal toplayaraq və 13 dəfə ölkə çempionu Araz Alməmmədovun (Qəbələ) çempionluq seriyasını bir daha qıraraq, üçqat ölkə çempionu adını qazandı. Araz isə 65 xalla ikinci yeri tutdu. 3-cü yer uğrunda gərgin mübariz getsə də, son turlarda uğurla çıxış edən
şahmat üzrə beynəlxalq usta, həlletmə üzrə millimizin gənc üzvü, çempionatın ilk günü 17 yaşı tamam olmuş Zaur Məmmədov (Bakı) 58 xalla heç kimə şans vermədi. Məhz bu üç qalib 20-27 avqustda İtaliyanın Jesi şəhərində keçiriləcək dünya çempionatında ölkəmizi təmsil edəcək.4-cü yeri 48.5 xalla Aqşin Məsimov (Bakı), 5-ci yeri 46,75 xalla daha bir istedadlı, gənc həllçimiz Misrəddin İsgəndərov (1995), 6-cı yeri isə 31,5 xalla 1979-cu ildə həlletmə üzrə ilk
ölkə çempionatımızın iştirakçısı Eldar Cabbarov (Gəncə) tutdu.
Qadınlar arasında ən yaxşı nəticəni ötən il olduğu kimi 19,5 xalla Nərminə Ruzicəng (Naftalan) göstərdi. Veteranlar arasında 1-ci 26,25 xalla Anatoli Piriverdiyev (Bakı), yeniyetmələr arasında isə 28,75 xalla Miradil Zeynallı (Bakı) ümumi hesabda 8-ci yeri tutaraq, qalib oldu.
Bölmələr üzrə çempion adını aşağıdakı şahmatçılar qazandı. İkigedişli Misrəddin İsgəndərov (Sumqayıt), üçgedişli, çoxgedişli və əks-mat Ramil Cavadov (İsmayıllı), etüdlər Murad Nuri (Sumqayıt), yardımlı mat Araz Alməmmədov (Qəbələ).
Çempionatın qaliblərinə pul mükafatları, fəxri fərmanlar və medallar təqdim edildi.
Çempoionatın pul mükafatı:
1-ci yer : 120 manat + 30 manat Gənclər və İdman Nazirliyi (medal və fəxri fərman)
2-ci yer : 100 manat (medal və fəxri fərman)
3-cü yer : 75 manat (medal və fəxri fərman)
4-cü yer : 60 manat
5-ci yer : 50 manat
6-cı yer : 45 manat
7-ci yer : 35 manat
8-ci yer : 25 manat
Qadınlar – Nərminə Ruzicəng (Naftalan) 30 manat,
Veteran- Anatoli Piriverdiyev (Bakı) - 30 manat,
2 Həvəsləndirici mükafat –
10 manat – (veteran) İslam Kazımov (Bakı)
10 manat (yeniyetmə) – Murad Nuri (Sumqayıt).

Ənənəvi olaraq eyni zamanda Bakı çempionatının qalibləri də müəyyən edildi.
1-ci Zaur Məmmədov, 2-ci Aqşin Məsimov, 3-cü isə 14 yaşlı Miradil Zeynallı oldu. Bölmələr üzrə paytaxt çempionu adını ikigedişli, üçgedişli, çoxgedişli janrlarında Zaur Məmmədov, etüdlərdə İslam Kazımov, yardımlı matda Anatoli Piriverdiyev, əks-matda isə Aqşin Məsimov qazandı.
Paytaxt çempionatının qaliblərinə də fəxri fərmanlar və qiymətli hədiyyələr təqdim edildi.

Çempionatın baş hakimi:
İlham Əliyev (Sumqayıt)
Şahmat bəstəçiliyi üzrə beynəlxalq hakim

32th-aze-problems.pdf [0 b] (cкачиваний: 193)
32th-aze-solutions.pdf [0 b] (cкачиваний: 190)
32th-aze-table.pdf [0 b] (cкачиваний: 144)

Категория: Chess Composition

 
 
: