Azərbaycan-Mərakeş matçı

Azərbaycan-Mərakeş matçı


Şahmat bəstəçiliyinin dörd bölməsi (#2, #3, etüdlər, H#) üzrə Azərbaycan-Mərakeş dostluq matçının reqlamenti elan edilib. Hər bölmədə hər komandadan iki məsələ göndərmək olar: 1-ci yer 10 xal, 2-ci yer 8 xal, 3-cü yer 6 xal, 4-cü yer 4 xal. Mərakeş komandasının kapitanı tanınmış şahmat bəstəçisi, şahmat və şahmat bəstəçiliyi üzrə beynəlxalq usta Abdelaziz Onkoud-dur (http://www.onkoud.com/spip.php?rubrique86).

Yarışın direktoru Vadim Vinokurov (Rusiya).
Bölmələr üzrə hakimlər:
Hakim: #2 - Givi Mosiashvili (Gürcüstan)
Hakim: #3 - Valery Kopyl (Ukrayna)
Hakim: Etüdlər - Iuri Akobia (Gürcüstan)
Hakim: H#- Cristofer Jones (Böyük Britaniya)
Tərtib olunmuş məsələləri yığma komandamızın baş məşqçisi İlham Əliyevə (Sumqayıt) 20.05.2014 tarixə kimi göndərmək lazımdır:bestechi@mail.ru
Yarışın nəticələri 1.08.2014.tarixdə dərc olunacaq.

Read more

10th International Solving Contest - Azerbaijan

10-cu Beynəlxalq Həlletmə Yarışı /  10th International Solving Contest - Azerbaijan

26 yanvar 2014 tarixdə Beynəlxalq Şahmat Bəstəçiliyi Federasiyasının (World Federation for Chess Composition) təşkilatçılığı ilə 10-cu Beynəlxalq Həlletmə Yarışı (10th International Solving Contest) keçirildi. İldən-ilə bütün dünyada çox populyarlıq qazanan bu yarış eyni zamanda 28 ölkədə eyni tapşırıqlarla, eyni vaxtda keçirilir. Artq bir neçə ildir ki, bu yarışın Sumqayıt Şahmat məktəbində keçirilməsi ənənə halını alıb. Yarış iki kateqoriyada keçirildi: təcrübəli və təcrübəsiz həllçilər üçün. İki mərhələdən ibarət olan yarışda təcrübəli həllçilərə hər birində 6 məsələ olmaqla 12 tapşırıq, təcrübəsiz və gənc həllçilərə isə hər birində 4 məsələ olmaqla 8 tapşırıq təqdim edildi. Hər mərhələdə həll üçün 2 saat, ümumi isə 4 saat vaxt verildi. Ölkəmizdə keçirilən yerli yarışın mükafat fondu 230 manat təşkil etdi.
1-ci kateqoriyada 15 iştirakçı arasında qalib adını 60 mümkün xaldan 41,25 xal toplayan Ramil Cavadov (İsmayıllı) qazandı. 2-ci 40,5 xalla Misrətdin İskəndərov (Sumqayıt), 3-cü isə 34,5 xalla Araz Alməmmədov (Qəbələ) oldu.
Qadınlar arasında 1-ci 18 xalla Nərmin Kazımova (Bakı), 2-ci 11 xalla Səbinə İbrahimova (Gəncə), 3-cü isə 5 xalla Aydan Hüseynzadə (Qəbələ) oldu.
2-ci kateqoriyada 24 iştirakçı arasında qalib 14 yaşlı Sumqayıt şahmatçısı, 40 mümkün xaldan 33 xal toplayan, Ceyhun Hüseynzadə oldu. 2-ci 24 xalla Ramil Mustafayev (Sumqayıt), 3-cü isə 10,25 xalla Azər Abbasov (Şabran) oldu.
Qadınlar arasında 1-ci 16 xalla Vüsalə Quliyeva (Şabran), 2-ci 8,25 xalla Ləman Hüseynova(Sumqayıt), 3-cü isə 6 xalla Ləman Hacıyeva (Sumqayıt) oldu.

Beynəlxalq yarışın cədvəli (1-ci kateqoriya):http://www.matplus.net/isc.php?px=1391104003&f=r&g=0
Beynəlxalq yarışın cədvəli (2-ci kateqoriya):http://www.matplus.net/isc.php?px=1391103998&f=r&g=1
Yarışın məsələləri (1-ci kateqoriya):http://www.matplus.net/isc.php?px=1391105039&f=p&g=0
Yarışın məsələləri (2-ci kateqoriya):http://www.matplus.net/isc.php?px=1391105061&f=p&g=1

Read more

"Şahmat bəstəçiliyi" jurnalının 19-cu nömrəsi

"Şahmat bəstəçiliyi" jurnalının 19-cu nömrəsi
Azrbaycan Şahmat Federasiyasının Şahmat Bəstəçiliyi komissiyasının "Şahmat bəstəçiliyi" jurnalının növbəti nömrəsi (№19 Dekabr 2013) işıq üzü görüb. 64 səhifədən ibarət olan jurnalın bu sayında, aşağıdakı məqalələr dərc olunub.
1. Şahmat bəstəçiliyi üzrə 1-ci Azərbaycan kubokunun nəticələri
2. 9-cu Beynəlxalq Həlletmə Yarışı
3. 11-ci Azərbaycan çempionu
4. Kənan Vəlixanov Dünya dördüncüsüdür
5. Vilnüs. Təəssüratlar - Elmar Abdullayev
6. Kənan Vəlixanov Dünya kubokunun qalibidir
7. 56-cı Şahmat Bəstəçiliyi konqresi, Batum, Gürcüstan
8. 2-ci Azərbaycan Beynəlxalq Etüd Yarışının nəticələri
9. Şahmat məsələlərinin həlli üzrə 34-cü Azərbaycan çempionatı
10. Tanımadığımız həmyerlimiz
11. Pəncərə - Ferhat Karmil (Türkiyə)
12. Şahmat həllçilərinin beynəlxalq əmsalı
13. 2012-ci ilin etüdü
14. Mahir Məmmədov və şahmat bəstəçiliyi
15. Azərbaycan şahmat bəstəçilərinin uğurları
16. Çoxsaylı şəkillər və xəbərlər.

Jurnalı əldə etmək istəyənlər müraciət edə bilərlər: bestechi@mail.ru

Read more

Kənan Vəlixanov dünya kubokunun qalibidir

 Kənan Vəlixanov (İmişli) şahmat bəstəçiliyi üzrə FIDE Dünya kubokunun qalibidir!

O, şahmat bəstəçiliyinin ikigedişli bölməsində dünyanın bir çox məşhur şahmat bəstəçilərini geridə qoyaraq, çempion adını qazanmışdır! Xatırladım ki, Kənan ötən Dünya kubokunda üçgedişli bölmədə bürünc medal qazanmışdı.

 Şahmatçımızı ürəkdən təbrik edirik və yeni uğurlar arzulayırıq!
Dünya kubokunun nəticələri ilə burada tanış ola bilərsiniz: 

 




The 3rd FIDE World Cup in Composing 2013,
Section A – Twomovers (#2) 
1st Prize - The Cup winner

 KENAN VELIKHANOV (Azerbaijan)

Read more

“Breyn Rinq”-də şahmat bəstəçiliyi sualı

“Breyn Rinq”-də şahmat bəstəçiliyi sualı

AZTV-də yayınlanan “Breyn Rinq” verilişində şahmat bəstəçiliyi sualı təqdim olundu. Suala cavabı keçmiş şagirdim, Sumqayıtı təmsil edən “Evrika” komandasının kapitanı, şahmat üzrə ustalığa namizəd Beyrək Rəhimov tapdı. Siz də özünüzü sınayın.
Sual: Şahmatçıların kübar, əsilzadə adlandırdığı mövqelərdə nə yoxdur?

Read more

Etüd kitabı

"Rusiya etüdü" kitabı

 XIX – XX əsr Rusiya Şahmat Bəstəçiliyi antoloqiyası seriyasının 6-cı cildi Yakov Vladimirov və Oleq Pervakovun müəllifliyi ilə “Rusiya etüdləri” kitabı buraxılıb.
 282 səhifədən ibarət kitabda 800-dən artıq etüd təqdim olunub. Kitabın müsbət tərəfi ondan ibarətdir ki, bütün etüdlər kompüterdə yoxlanılıb və düzdür. Halbuki son illər buraxılan bir çox kitablarda etüdlərin bir çoxu səhvdir.
 Kitabın qiyməti 14 manatdır. İstəyənlər İlham Əliyevə (Sumqayıt) müraciət edə bilərlər: Tel: (050) 515-40-99. Qeyd edim ki, kitabın sayı məhduddur və o, açıq satışda yoxdur.

Read more

Sumqayıtda etüd həlletməsi yarışı

Aleksandr Sarıçevin xatirəsinə həsr olunmuş etüd həlletməsi yarışı

 

2 avqustda Sumqayıt şahmat məktəbində Aleksandr Sarıçevin (1909-1986) xatirəsinə həsr olunmuş (mükafat 200 manat) olan etüd həlletməsi yarışı keçirilidi. Yarışda 6 şəhərdən (Bakı, Sumqayıt, Qəbələ, İsmayıllı, Şabran, Samux) 28 şahmatçı iştirak etdi. 2 yarışın ümumi nəticəsinə görə (sürətli və klassik həlletmə), qalib adını 81 xalla (42 dəq) Miradil Zeynallı (Bakı) qazandı. 2-ci eyni xal toplayan, lakin daha çox vaxt (57 dəq) sərf edən Misrətdin İskəndərov (Sumqayıt), 3-cü isə 71 xalla Murad Nuri (Sumqayıt) oldu.
Qadınlar arasında 1-ci yeri 34 xalla Nigar Mustafazadə (Bakı), 2-ci yeri 25 xalla Şölə Məmmədova (Şabran), 3-cü yeri isə 24 xalla Səbinə Rzalı (Sumqayıt) tutdu.
Yarışda həmçinin şahmat bəstəçiliyi üzrə 1-ci Azərbaycan kubokunun bağlanışı keçirildi. Qaliblərə diplomlar, medallar və kuboklar təqdim olundu.

video

cədvəlsarichev-2013-cedvel.pdf [318,63 Kb] (downloads: 63)
See the file online: sarichev-2013-cedvel.pdf



AZƏRBAYCAN ŞAHMAT FEDERASİYASI

BƏSTƏÇİLİK KOMİSSİYASI

Read more

Balakən Respublika Şahmat Olimpiadasında həlletmə çempionatı

 

 

Respublika Şahmat Olimpiadasında həlletmə çempionatı

Balakən,  17 iyul 2013


Ənənəvi olaraq, 16 yaşadək yeniyetmələrin Respublika Şahmat Olimpiadasının proqramına şahmat məsələ və etüdlərinin həlli üzrə çempionat daxil edilmişdir. Həlletmə çempionatı dörd bölmədə keçirilir (ikigedişli, üçgedişli, çoxgedişli və etüdlər).

Həlletmə yarışı 17 iyul saat 17.30-da keçiriləcək. Yarışın müddəti 90 dəqiqədir.

 

Çempionatın mükafat fondu 160 manat.

Qaliblər həmçinin fəxri fərman və medallarla təltif olunacaqlar.


  Yarışda 8 tapşırığı 90 dəqiqə ərzində həll etmək tələb olunur. Hər tapşırığa yazılan düzgün cavab 5 xalla qiymətləndiriləcək. Qaliblər 12 və 16 yaş qruplarında (oğlanlar və qızlar) müəyyənləşdiriləcək.

  Yarışda  bir və ya iki şahmatçı eyni xal toplayarsa, üstünlük vaxtı az olan şahmatçıya verilir. Xallar və vaxt eyni olarsa, pul mükafatı bölünür.

  Yarışda 2-ci və daha yüksək dərəcəli şahmatçılar iştirak edə bilərlər. Yarışın ümumi hesabda qalibləri həlletmə üzrə 35-ci Azərbaycan çempionatında (aprel 2014) iştirak etmək hüququ qazanacaqlar.

  Qeydiyyatdan keçmək üçün baş hakim İlham Əliyevə (Sumqayıt) müraciət etmək olar: Tel: (050) 515 40 99. Email: bestechi@mail.ru  Yarışda üzvlük haqqı yoxdur!


Qeydiyyatdan keçməyənlər yarışa buraxılmayacaq!


Tapşırıqların həlləri bu tərzdə yazılmalıdır:


İkigedişli (#2): Ancaq ağların ilk gedişi.

Üçgedişli (#3) və çoxgedişli (#N): ilk gedişi, mümkün olan təhlükəni və bütün variantları (təhlükə ilə eyni olan mat variantlarını yazmaq lazım deyil), ağların sonuncudan əvvəlki gedişi daxil olmaqla verin. Qaraların son və ağların mat edən gedişini yazmaq vacib deyil.

Etüdlər (+=): aşkar, aydın qələbəyə qədər bütün gedişləri yazın.

Məsələ və etüdlərin həlli vərəqə yerləşmirsə, ox işarəsi qoyub həlli vərəqin arxasından yazmaq olar.


AZƏRBAYCAN ŞAHMAT FEDERASİYASI

BƏSTƏÇİLİK KOMİSSİYASI

Read more