Сортировать статьи по: дате | популярности | посещаемости | комментариям | алфавиту

Şahmat kitabları / Chess books

Автор: ilham от 13-06-2018, 23:24, посмотрело: 175

0
ŞAHMAT KİTABLARI / CHESS BOOKS

Əməkdar məşqçi İlham Əliyevin şahmat kitablarının (Şahmat yaradıcılığım / My chess creative work və Ölməz manevr / Immortal manoeuvre) yeni reklam videosu:

https://www.youtube.com/watch?v=E3aFfDFmEvk

Категория: Chess Composition

 

CIRTDAN 2018 (+=, #2, #3, #N)

Автор: ilham от 31-05-2018, 22:43, посмотрело: 175

0

CIRTDAN 2018 (+=, #2, #3, #N)

 

  Azərbaycan Şahmat Federasiyası Şahmat Bəstəçiliyi Komissiyası məsələ və etüdlərin tərtibi üzrə «CIRTDAN» beynəlxalq yarışının ilkin nəticələrini  elan edir. Cırtdan (RUS – Джыртдан, ENG – Jirtdan) – Azərbaycan nağıllarının ən məşhur qəhrəmanlarından biridir. Azərbaycan şahmat bəstəçiliyində daşların sayı 5-dən artıq olmayan məsələ və etüdlər də "Cırtdan” adlanır.

Bölmələr və hakimlər:

 

1) += (Etüdlər) – Harold van der Heijden (Hollandiya).

 

2) #2 (İkigedişli) – Mikola Çernyavski (Ukrayna).

 

3) #3 (Üçgedişli) – Elmar Abdullayev (Şirvan, Azərbaycan).

 

4) #N (Çoxgedişli) – Aleksandr Sıqurov (Rusiya).

 
 

TƏLTİF / AWARD:

 

PDF – jirtdan-2018-studies-2-3-n-award.pdf [922,15 Kb] (cкачиваний: 150)

 

PGN (+=) – cirtdan-2018-provisional-award.pgn [13,42 Kb] (cкачиваний: 47)

 

İradları bu tarixə kimi (01.07.2018) aşağıdakı elektron ünvana göndərmək olar.

 

The award is open for - 01.07.2018. All claims to: abdullaev-elmar@bk.ru


Категория: Chess Composition

 

İlham Əliyevin şahmat kitabları

Автор: ilham от 10-05-2018, 01:07, посмотрело: 339

0 İlham Əliyevin şahmat kitabları

Категория: Chess Composition

 

Rauf Məmmədov 12-ci Azərbaycan çempionudur

Автор: ilham от 8-04-2018, 18:26, посмотрело: 301

0 Rauf Məmmədov 12-ci Azərbaycan çempionudur
Rauf Məmmədov 12-ci Azərbaycan çempionudur

7-8 aprel tarixində Respublika Şahmat Mərkəzində şahmat məsələ və etüdlərinin həlli üzrə 39-cu Azərbaycan çempionatı keçirildi. Qələbə uğrunda ölkəmizin 9 şəhərindən (Bakı, Sumqayıt, Gəncə, İsmayıllı, Qəbələ, Şabran, Qobustan, Naftalan, Göygöl) 29 şahmatçı mübarizəyə qatıldı.
Çempionatımız dünya və Avropa çempionatlarında olduğu kimi hər birində 3 şahmat məsələsi olmaqla 6 bölmə üzrə (ikigedişli–20 dəq, üçgedişli–60 dəq, etüdlər–100 dəq, çoxgedişli–80 dəq, yardımmat–50 dəq, əks-mat–50 dəq), ümumi 18 məsələ təqdim olunmaqla keçirilir. Hər düzgün həll edilmiş tapşırığa görə 5 xal verilirdi. Ölkə çempionatımız şahmat həlletməsi üzrə Dünya kubokunun mərhələlərindən biri kimi qeydiyyatdan keçmişdi.
Şahmat üzrə millimizin üzvü beynəlxalq qrossmeyster, 3 dəfə Avropa çempionu Rauf Məmmədov 90 mümkün xaldan 61,75 (320 dəq) xal toplayaraq həlletmə tarixində 12-ci çempion adını qazandı. Gümüş medalı 60,75 (325 dəq) xalla çempiondan 1 xal geri qalan gənc şahmatçı Amil Abbasov (Gəncə), bürünc medalı isə 60 (316 dəq) xalla 15 qat ölkə çempionu, həlletmə üzrə beynəlxalq usta Araz Alməmmədov (Qəbələ) qazandı. Dünya kubokunun sahibi beynəlxalq qrossmeyster Zaur Məmmədov Türkiyədə keçiriləcək şahmat turnirində iştirakla əlaqədar olaraq yalnız çempionatın ilk günü iştirak etdi, ancaq bu da ona 42 xalla 4-cü olmağa bəs etdi.
Qadınlar arasında 1-ci Səbinə Rzalı (Sumqayıt), 2-ci Aydan Hüseynzadə (Qəbələ), 3-cü isə Nərminə Ruzicəng (Naftalan) oldu.
Bölmələrdə çempion adını aşağıdakı şahmatçılar qazandılar: ikigedişli, yardımmat – Araz Alməmmədov (Qəbələ), üçgedişli – Zaur Məmmədov (Bakı), etüdlər, çoxgedişli, əks-mat – Rauf Məmmədov (Bakı). Qaliblər pul mükafatları, fəxri fərmanlar və medallarla mükafatlandırıldı.
Həlletmə komandamız sentyabr ayında Makedoniyanın Oxrid şəhərində keçiriləcək 42-ci dünya çempionatında ölkəmizi təmsil edəcək. Xatırladaq ki, şahmat həllçilərimiz 2014-cü ildə İsveçrənin paytaxtı Bern şəhərində dünya çempionatında və 2016-cı ildə Yunanıstanın paytaxtı Afinada Avropa çempionatında gümüş medal qazanıb.

İlham Əliyev (Sumqayıt)
Yarışın baş hakimi (beynəlxalq hakim, əməkdar məşqçi)

Tapşırıqlar / Problems: 39th-azch-problems.pdf [407,09 Kb] (cкачиваний: 86)
Cavablar / Solutions: 39th-azch-solutions.pdf [455,34 Kb] (cкачиваний: 56)
Cədvəl / Table: table-2018.pdf [319,53 Kb] (cкачиваний: 72)

Категория: Chess Composition

 

Andrey Selivanovun yeni saytı

Автор: ilham от 6-04-2018, 16:24, посмотрело: 248

0
Andrey Selivanovun yeni saytı

Bugündən etibarən məşhur şahmat bəstəçisi və həllçisi, dəfələrlə dünya çempionu Andrey Selivanovun (Rusiya) saytı yeni ünvanda fəaliyyət göstərəcək: http://selivanov.world

Категория: Chess Composition

 

39-cu Azərbaycan Şahmat Həlletməsi Çempionatı / 39th Azerbaijan Chess Solving Championship

Автор: ilham от 16-03-2018, 18:50, посмотрело: 397

0

39-cu Şahmat Həlletməsi Azərbaycan çempionatına qeydiyyat başladı.


39-cu Azərbaycan Şahmat Həlletməsi Çempionatı
39th Azerbaijan Chess Solving Championship
Bakı, 7-8 Aprel 2018

   Azərbaycan Respublikası Gənclər və İdman Nazirliyi və Azərbaycan Şahmat Federasiyasının birgə təsdiq etdiyi şahmat yarışlarının illik əsasnaməsinə uyğun olaraq 6 (gəlmə) – 9 (getmə) aprel 2018 tarixində Bakı şəhərində Respublika Şahmat Mərkəzində (klubu) Şahmat Həlletməsi 39-cu Azərbaycan Çempionatı keçiriləcək.
Çempionatda hər birində 3 şahmat məsələsi olmaqla 6 bölmə üzrə (ikigedişli -20 dəq, üçgedişli -60 dəq, etüdlər -100 dəq, çoxgedişli-80 dəq, yardımmat-50 dəq, əks-mat-50 dəq), ümumi 18 məsələ təqdim olunmaqla keçiriləcək. Hər düzgün həll edilmiş tapşırığa görə 5 xal verilir.
Ölkə çempionatımız WFCC-nin (Dünta Şahmat Bəstəçiliyi Federasiyası) Şahmat Həlletməsi Dünya kubokunun mərhələlərindən biri kimi qeydiyyatdan keçib və çempionatda beynəlxalq həlletmə əmsalı hesablanır.

Yarışda 1-ci və daha yüksək şahmat dərəcəsi olan şahmatçılar, şahmat bəstəçiləri və həllçilər buraxılır. 10 yaşdan aşağı şahmatçılar yarışa buraxılmır.


Çempionatın proqramı:

7 Aprel 9.30-10.00 Qeydiyyatın təsdiqi.
10.30 (start) – 1-3-cü tur.
8 Aprel 10.00 (2-ci günün startı) – 4-6-cı tur.
15.00 – Mükafatlandırma.

Hakimlər: İlham Əliyev (beynəlxalq hakim) və Elmar Abdullayev (respublika dərəcəli hakim).

Mükafatlar: Pul, kitab, medal, diplom. Qadınlar, veteranlar və gənc şahmatçılar nominasiyası üzrə də mükafatlar təqdim edilir. Ənənəvi olaraq çempionatda Bakı çempionatının da nəticələri elan ediləcək və qaliblərə hədiyyə və diplomlar təqdim ediləcək.
Son qeydiyyat tarixi: 6 aprel (saat 17.00). Çempionatda qeydiyyatdan keçmək üçün aşağıda göstərilənlərə ad, soyad, hansı şəhəri təmsil etdiyinizi və təvəllüdünüzü göndərin.

Əlaqə: İlham Əliyev, Tel (mobil): 050 515 40 99 (xahiş olunur zəng etməyin), SMS, WhatsApp. E-mail: bestechi@mail.ru

Категория: Chess Composition

 

14-cü Beynəlxalq Həlletmə yarışı / 14th International Solving Contest

Автор: ilham от 25-02-2018, 21:59, посмотрело: 644

0
14-cü Beynəlxalq Həlletmə Yarışı
Bu ilin 28 yanvarında keçirilən 14-cü Beynəlxalq Həlletmə Yarışının son nəticələri elan edilib. Yarışda 31 ölkədən 603 şahmatçı iştirak etdi: 1-ci kateqoriyada 269, 2-ci kateqoriyada 116, 3-cü kateqoriyada 218.

Ceyhun Hüseynzadə (Sumqayıt) 1-ci kateqoriyada ümumi hesabda bir çox məşhur həllçiləri qabaqlayaraq 39 xalla (237 dəq) 20-ci yeri, gənclər arasında isə 3-cü yeri tutdu. Şahmat üzrə beynəlxalq usta Nərmin Məmmədova (Bakı) 1-ci kateqoriyada qadınlar arasında 34,5 xalla (240 dəq) 3-cü yeri tutdu.

Ramil Səfərəliyev (Şabran) 2-ci kateqoriyada 40 xalla 9-cu, Şövkət Səlimov (Sumqayıt) 38 xalla 14-cü oldu.

3-cü kateqoriyada iştirak edən Sumqayıt şahmatçısı Abusəddin Mollayev 30 xal toplayaraq (68 dəq) 100 faizlik nəticə göstərsə də vaxta görə 9-10-cu yerləri bölüşdürdü. Halbuki 1-ci yerə çıxan 10 yaşlı rusiyalı Ekaterina Kurdyaşkina-nın 17 dəqiqəyə bütün tapşırıqları həll etməsi heç də inandırıcı görsənmir və bunu bir çox tanınmış həllçilər də təsdiq edir.

14-cü Beynəlxalq Həlletmə Yarışı / 14th International Solving Contest
NƏTİCƏLƏR
1-ci kateqoriya: http://www.matplus.net/isc.php?px=1519583914&f=r&g=0
2-ci kateqoriya: http://www.matplus.net/isc.php?px=1519583490&f=r&g=1
3-cü kateqoriya: http://www.matplus.net/isc.php?px=1519584006&f=r&g=2

Категория: Chess Composition

 

14th International Solving Contest - Azerbaijan

Автор: ilham от 5-01-2018, 21:01, посмотрело: 582

0
14-cü Beynəlxalq Həlletmə Yarışı - Azərbaycan

28 yanvar 2018 tarixində Sumqayıt Şahmat Məktəbində 14-cü Beynəlxalq həlletmə yarışı keçiriləcək. Yarışın təşkilatçısı AŞF Bəstəçilik komissiyasıdır. Yarışın maraqlı tərəfi odur ki, o ənənəvi olaraq dünyanın bir çox ölkələrində eyni zamanda keçirilir.Yarışlar 11.00-da başlayacaq. İştirakçılardan xahiş olunur 10.30-da qeydiyyatdan keçmək üçün məktəbdə olsunlar. 
Yarış 3 kateqoriyada keçirilir:
1) 1-ci kateqoriyada təcrübəli həllçilər iştirak edir, bu yarışda beynəlxalq həlletmə reytinqi toplamaq olar. İştirakçılara hər bölmədə 6 məsələdən (#2, #3, N#, etüd, H# və S#) ibarət olaraq 12 məsələ təqdim ediləcək.
2) 2-ci kateqoriya təcrübəsiz həllçilər üçün nəzərdə tutulub və burada 1700-dən aşağı həlletmə əmsalı (yarım reytinq və qeyri fəal reytinq də) olanlar iştirak edə bilər. İştirakçılara hər bölmədə 6 məsələdən ibarət olaraq 12 məsələ (2 ədəd ≠2, #3, N≠, etüd və bir tur H#, digər turda isə S#) təqdim ediləcək.
3) 3-cü kateqoriyada 31.12.2004 tarixindən sonra anadan olanlar iştirak edə bilər. İştirakçılara 1 bölmədə 6 məsələ (4 ədəd #2, #3 və etüd) təqdim ediləcək.
Tapşırıqların həllinə hər bölmədə 2 saat vaxt ayrılacaq. Turlar arası fasilə 30 dəqiqə olacaq.
Yerli yarışların qaliblərinə AŞF Bəstəçilik komissiyası tərəfindən pul mükafatları, fəxri fərmanlar və kitablar təqdim ediləcək.
Sonda ölkə yarışnın nəticələri təşkilatçılara göndəriləcək və müəyyən müddətdən sonra ümumi yarışların nəticələri elan ediləcək.
Yarışlarda iştirak üçün üzvlük haqqı yoxdur.
Yerlər məhdud olduğuna görə iştirakçılardan xahiş olunur vaxtında qeydiyyatdan keçsinlər. Qeydiyyatda gecikənlər 5 manat cərimə olunacaq. Son qeydiyyat tarixi: 27 yanvar, saat 12.00.
Qeydiyyat: E-mail: bestechi@mail.ru Whatsapp, SMS 050 515 40 99

Категория: Chess Composition

 

Azərbaycanda yeni şahmat kitabı

Автор: ilham от 21-12-2017, 22:23, посмотрело: 573

0

Azərbaycanda yeni şahmat kitabı

ÖLMƏZ MANEVR / Immortal manoeuvre / Бессмертный маневр


Əziz dostlar! Sumqayıt şəhərinin baş məşqçisi, əməkdar məşqçi İlham Əliyevin yeni şahmat kitabı işıq üzü gördü. Kitabda sonluq nəzəriyyəsini öyrənmək üçün bir vasitə olacaq və özündə ikiqat zərbə motivi daşıyan kvadrat mövzusunun tarixi tam olaraq araşdırılıb. 196 səhifə olan kitabda bu mövzuya aid 600-dən artıq etud, oyun nümunələri və kombinasiyalar toplanıb. Kitabın ölçüsü 155x235 sm. Əksər bölmələrin sonunda mövzunun daha asan qavranılması üçün sual və tapşırıqlar təqdim olunub, cavabların yazılmasında fiqurlu notasiyadan istifadə edilib.
Kitaba ön sözü yığma komandanın baş məşqçisi, beynəlxalq usta Fikrət Sideifzadə və etüd tərtibi üzrə 2 dəfə dünya çempionu, şahmat və şahmat bəstəçiliyi üzrə beynəlxalq hakim, uzun illər Gürcüstanın qadınlardan ibarət şahmat yığmasının baş məşqçisi David Qurqenidze yazıb.
Kitab genis əhatəli oxucu üçün – şahmat həvəskarından yüksək dərəcəli şahmatçıya kimi nəzərdə tutulub.
Endşpil texnikanızı inkişaf etdirmək istəyirsinizsə bu kitab sizlər üçün çox vacibdir!
Kitabın qiyməti 12 manatdır. Topdan satış üçün (minimal 5 ədəd olmaqla) əlaqə saxlaya bilərsiniz.
 

 E-mail: bestechi@mail.ru  Tel - Whatsapp 050 515 40 99

Категория: Chess Composition

 

Şahmat yaradıcılığım / My Chess Creative Work

Автор: ilham от 4-12-2017, 20:58, посмотрело: 648

0
Şahmat yaradıcılığım / My Chess Creative Work
 
Şahmat yaradıcılığım / My Chess Creative Work / Мое шахматное творчество

(etüdlərim, etüd hakimliyim, məsələlərim, kombinasiyalarım, məqalələrim)
(studies, study judges, problems, combinations, articles)
(этюды, этюдное судейство, задачи, комбинации, статьи)

   Hörmətli dostlar,

  "Şahmat yaradıcılığım” kitabımın satışı davam edir. 376 səhifə, qalın parlaq cilddə, 700-ə yaxın şahmat diaqramı, əksəriyyəti etüd olmaqla, kitabda 96 şahmat kombinasiyam da yer alıb. Kitabda 37 illik şahmat yaradıcılığımda: etüdlərim, məsələlərim, kombinasiyalarım, etüd hakimliyim və 2 maraqlı məqaləm var.
Kitabın girişində şahmat macəralarım və etüd bəstəçiliyində ilk addımlarım barədə qısa və yığcam fikirlərimlə tanış ola bilərsiniz. Ən əsası, ilk dəfə olaraq, milli etüdlər və milli kombinasiyalarla tanış ola bilərsiniz!
Kitab geniş əhatəli oxucu üçün - şahmat həvəskarından yüksək dərəcəli şahmatçıya kimi nəzərdə tutulub.

   Çox sevindiricidir ki, bu qısa müddət ərzində kitabım ABŞ, Almaniya, Rusiya, Türkiyə, Yunanıstan, İngiltərə, Danimarka, Mərakeş, Belarus, Belçika, Gürcüstan kimi xarici ölkələrə yayılıb. Ancaq sözsüz ki, əsas oxucularım Azərbaycandadır.

  Kitabın qiyməti 18 manatdır. Kitabı əldə etmək istəyənlər 050 515 40 99 nömrəsinə zəng edə və ya WhatsApp-a, feysbuk səhifəmə, yaxud elektron ünvanıma yaza bilərlər. E-mail: bestechi@mail.ru

Категория: Chess Composition

 

"ŞAHMAT BƏSTƏÇİLİYİ" JURNALININ YUBİLEY SAYI

Автор: ilham от 19-11-2017, 23:40, посмотрело: 679

0
"ŞAHMAT BƏSTƏÇİLİYİ" JURNALININ YUBİLEY SAYI
AŞF Bəstəçilik Komissiyasının 2003-cü ildən işıq üzü görən "Şahmat bəstəçiliyi" (Chess composition) jurnalının 20-ci yubiley nömrəsi dərc olunub. 64 jurnalı formatında, 64 səhifə, rəngli üz qabığı. Jurnalın bu sayında ölkəmizdə keçirilən çoxsaylı tərtib (etüd və məsələ) yarışlarımızın nəticələri ilə və şahmat bəstəçiliyi aləmindən maraqlı xəbərlərlə tanış ola bilərsiniz.
Qiyməti 6 manat. Tiraj məhduddur. Maraqlananlar əlaqə saxlaya bilər.
E-mail: bestechi@mail.ru WhatsApp: 050 515 40 99

Категория: Chess Composition

 

CIRTDAN 2018 (#2, #3, N#, +=)

Автор: ilham от 19-11-2017, 18:56, посмотрело: 932

0
CIRTDAN 2018 (#2, #3, N#, +=)
 
 

CIRTDAN 2018 (#2, #3, N#, +=)

  Azərbaycan Şahmat Federasiyası Şahmat Bəstəçiliyi Komissiyası məsələ və etüdlərin tərtibi üzrə «CIRTDAN»yarışını elan edir. Cırtdan (RUS – Джыртдан, ENG – Jirtdan) – Azərbaycan nağıllarının ən məşhur qəhrəmanlarından biridir. O, milli kimlik, cəsarət və zehni ilə fərqlənir. Cırtdan ağıllı bir yeniyetmə oğlandır, boyunun kiçik olduğuna görə belə adlanıb. Nağılda o nəhəng Divə hiylə gələrək dostlarını xilas edir.

Azərbaycan şahmat bəstəçiliyində daşların sayı 5-dən artıq olmayan məsələ və etüdlər "Cırtdan” adlanır.

Bölmələr və hakimlər:

1) #2 (İkigedişli) – Mikola Çernyavski (Ukrayna). Mövzu: Cırtdan məsələlər.

2) #3 (Üçgedişli) – Elmar Abdullayev (Azərbaycan). Mövzu: Cırtdan məsələlər.

3) N# (Çoxgedişli) – Aleksandr Sıqurov (Rusiya). Mövzu: Cırtdan məsələlər.

4) += (Etüdlər) – Harold van der Heijden (Hollandiya). Mövzu: Cırtdan etüdlər.

Mükafat: Diplomlar.

Yarışın ilkin və son təltifi www.ulvichess.com saytında yerləşdiriləcək və bütün iştirakçılara göndəriləcək.

Yarışın direktoru: Elmar Abdullayev (Şirvan, Azərbaycan).

Cırtdan (daşların sayı 5-dən artıq olmayan) məsələ və etüdləri hər müəllifdən 3-dən artıq olmayaraq 1.03.2018-cı il tarixinədək yarışın direktorunun elektron ünvanına göndərmək lazımdır. E-mail: abdullaev-elmar@bk.ru

 

JIRTDAN 2018 (#2, #3, N#, +=)

  Azerbaijanian Comission of Chess Composition announced composing tournament «Jirtdan 2018»(#2, #3, #N, +=). Jirtdan is a problem or study with not more than 5 pieces (including kings). Some history: Jirtdan is one of the most popular character of Azerbaijanian fairy tales. He is distinguished by his national identity, courage and wittiness. Jirtdan is an intelligent yongster with tiny heigth. «Jirtdan» is translated from azerbaijani as small, tiny. In a fairy tale he saved his friends from the outwitting giant Div.

Section and judges:

1) Tvomovers (#2) – Mykola Chernyavsky (Ukraine). Theme: Baby problems.

2) Threemovers (#3) – Elmar Abdullaev (Azerbaijan). Theme: Baby problems.

3) Moremovers: (N#) – Aleksandr Sygurov (Russia). Theme: Baby problems.

4) Studies (+=) – Harold van der Heijden (The Netherlands). Theme: Baby studies.

Prizes: Diplomas.

Send the maximum 3 baby compositions to the director of the competition Elmar Abdullayev, E-mail:abdullaev-elmar@bk.ru

Please send problems in WORD and studies PGN files. Closing date: 01.03.2018.

 
 

Джыртдан 2018 (#2, #3, N#, +=)

   Азербайджанская комиссия по шахматной композиции объявляет конкурс «Джыртдан» по составлению шахматных задач и этюдов. Джыртдан (AZE – Cırtdan, ENG – Jirtdan) один из самых популярных героев азербайджанских сказок. Его отличает национальное своеобразие, смелость и смекалка. Джыртдан умный мальчик-подросток, назван так за свой крошечный рост. В переводе с азербайджанского «джыртдан» означает маленький. В сказке он сумел спасти друзей, перехитрив Дива-великана.

В терминологии Aзербайджанской шахматной композиции «Джыртдан»-ом называется композиции с числом фигур не более пяти.

Разделы и судьи:

1) Двухходовки (#2) – Микола Чернявский (Украина).

2) Трехходовки (#3) – Эльмар Абдуллаев (Азербайджан).

3) Многоходовки (N#) – Александр Сыгуров (Россия).

4) Этюды (+=) – Харольд ван дер Хейден (Голландия).

Призы: Дипломы.

Директор конкурса: Эльмар Абдуллаев (Азербайджан).

Задачи (в формате WORD) и этюды (в формате PGN ) не более 3-ех от каждого автора следует посылать до 01.03.2018 в адрес директора конкурса: abdullaev-elmar@bk.ru

Категория: Chess Composition

 

SAMİR BƏDƏLOV – 55 XATİRƏ YARIŞI, 2017 (etüdlər)

Автор: ilham от 20-10-2017, 22:12, посмотрело: 706

0
SAMİR BƏDƏLOV – 55 XATİRƏ YARIŞI, 2017 (etüdlər)
SAMIR BADALOV–55 MT, 2017 (studies) SON TƏLTİF / FINAL AWARD


Azərbaycan Şahmat Federasiyası Şahmat Bəstəçiliyi Komissiyası ölkəmizin tanınmış şahmat məşqçisi və bəstəçisi Samir Bədəlovun 55 illiyinə həsr olunmuş etüdlərin tərtibi üzrə xatirə yarışının son nəticələrini elan edir. Yarışa 15 ölkədən 28 müəllif 33 etüd göndərmişdi, təltifə hakim Muradxan Muradov (Qobustan) 14 etüd seçib. Son nəticədə yalnız V.Kalaşnikovun etüdündə yeni versiya təklif edilib ki, burada etüdə miniatür saxlanılmaqla bir gediş və yeni müəllif əlavə olunub.

Samir Bədəlov (13.02.1962 – 25.08.2011) - güclü əməli şahmatçı, ölkəmizin ən yaxşı şahmat məşqçilərindən biri olmaqla yanaşı, həm də çox istedadlı etüd tərtibçisi olub. S.Bədəlovun 20 etüdü dərc olunub ki, onlardan da bir çoxu yarışlarda uğur qazanıb. O etüdlərin tərtibi üzrə 9-cu (2008) və 10-cu Azərbaycan çempionatlarının (2012) gümüş medalçısı, 1-ci Azərbaycan kubokunun (2013) isə qalibidir.

PDF:samir-badalov-55-mt-2017-final-award.pdf [536,88 Kb] (cкачиваний: 48)
PGN: samir-badalov-55-mt-2017-final-award.pgn [14,18 Kb] (cкачиваний: 22)

Категория: Chess Composition

 

AQŞİN MƏSİMOV–55 YUBİLEY YARIŞI, 2017 (etüdlər)

Автор: ilham от 19-09-2017, 22:07, посмотрело: 1147

0
Aqşin Məsimov–55 YY, 2017 (etüdlər)
Agshin Masimov–55 JT, 2017 (studies)
SON TƏLTİF / FİNAL AWARD

AŞF Şahmat Bəstəçiliyi Komissiyası ölkəmizin tanınmış şahmat bəstəçisi və həllçisi Aqşin Məsimovun 55 illiyinə həsr olunmuş etüdlərin tərtibi üzrə yubiley yarışının son nəticəsini elan edir. Yarışa 13 ölkədən 26 müəllif 33 etüd göndərmişdi, təltifə hakim yubilyar 15 etüd seçib.
Son təltifdə dəyişiklik baş vermədi, yalnız A.Jasik-in (Polşa) etüdündə səhv tapılmışdı ki, nəticənin qüvvəyə minməsinə az qalmış müəllif ona düzəliş edə bildi.
SON TƏLTİF / FINAL AWARD:
PGN agshin-masimov-55-jt-final-award.pgn [16,41 Kb] (cкачиваний: 32)
PDF agshin-masimov-55-jt-2017-final-award.pdf [556,46 Kb] (cкачиваний: 35)

Категория: Chess Composition

 

SÜLEYMAN ABDULLAYEV – 50 YUBİLEY YARIŞI, 2017

Автор: ilham от 19-09-2017, 20:50, посмотрело: 5051

0
SÜLEYMAN ABDULLAYEV – 50 YUBİLEY YARIŞI, 2017
Suleyman Abdullayev–50 JT, 2017
(#2 –İkigedişli miniatür)
AŞF Şahmat Bəstəçiliyi Komissiyası ölkəmizin tanınmış şahmat bəstəçisi Süleyman Abdullayevin 50 illiyinə həsr olunmuş ikigedişli (#2) miniatür məsələlərin tərtibi üzrə yubiley yarışının son nəticələrini elan edir. 9 məsələdə güclü sələf tapıldığı üçün onlar yarışdan çıxarılır, beləliklə son təltifdə 17 məsələ qalır.
SON TƏLTİF / FINAL AWARD: sleyman-abdullayev-50-jt-2017-final-award-2.pdf [737,12 Kb] (cкачиваний: 1286)

Категория: Chess Composition

 

SAMİR BƏDƏLOV – 55 XATİRƏ YARIŞI, 2017 (etüdlər)

Автор: ilham от 18-09-2017, 00:08, посмотрело: 726

0
SAMİR BƏDƏLOV – 55 XATİRƏ YARIŞI, 2017 (etüdlər)
SAMIR BADALOV–55 MT, 2017 (studies)
İLKİN TƏLTİF / PROVISIONAL AWARD
Azərbaycan Şahmat Federasiyası Şahmat Bəstəçiliyi Komissiyası ölkəmizin tanınmış şahmat məşqçisi və bəstəçisi Samir Bədəlovun 55 illiyinə həsr olunmuş etüdlərin tərtibi üzrə xatirə yarışının nəticələrini elan edir. Yarışa 15 ölkədən 28 müəllif 33 etüd göndərmişdi, təltifə hakim Muradxan Muradov (Qobustan) 14 etüd seçib.
Samir Bədəlov (13.02.1962 – 25.08.2011) - güclü əməli şahmatçı, ölkəmizin ən yaxşı şahmat məşqçilərindən biri olmaqla yanaşı, həm də çox istedadlı etüd tərtibçisi olub. S.Bədəlovun 20 etüdü dərc olunub ki, onlardan da bir çoxu yarışlarda uğur qazanıb. O etüdlərin tərtibi üzrə 9-cu (2008) və 10-cu Azərbaycan çempionatlarının (2012) gümüş medalçısı, 1-ci Azərbaycan kubokunun (2013) isə qalibidir.
TƏLTİF / AWARD:
PDF samir-badalov-55-mt-2017-award.pdf [538,17 Kb] (cкачиваний: 22)
PGN samir-badalov-55-mt-2017-award.pgn [14,18 Kb] (cкачиваний: 14)

Категория: Chess Composition

 

Yeni şahmat bəstəçiliyi kitabı

Автор: ilham от 3-09-2017, 13:54, посмотрело: 722

0
Yeni şahmat bəstəçiliyi kitabı
Azərbaycan Şahmat Federasiyası Bəstəçilik Komissiyası «ŞAHMAT BƏSTƏÇİLİYİ KİTABXANASI» silsiləsindən 2-ci kitabı buraxıb. Ölkəmizin tanınmış şahmat bəstəçisi Elmar Abdullayevin miniatür (format - 70x100 1/144, ölçü – 7,5sm x 6,5sm) kitabında müəllifin 3 bölmə (ikigedişli, üçgedişli, çoxgedişli) üzrə miniatür məsələləri toplanıb. Ölkəmizdə ilk dəfədir ki, bu ölçüdə (cib kitabı) şahmat kitabı dərc olunub. 60 səhifə, 35 rəngli diaqram. Qiyməti 6 manat. Maraqlananlar əlaqə saxlaya bilər.P.S. Xatırladaq ki, «ŞAHMAT BƏSTƏÇİLİYİ KİTABXANASI» silsiləsindən ilk kitab Ramil Səfərəliyevin 2015-ci ildə buraxılan «Şabranda şahmat bəstəçiliyi» kitabı olub.

Категория: Chess Composition

 

Aqşin Məsimov–55 yubiley yarışı, 2017 (etüdlər)

Автор: ilham от 21-08-2017, 23:17, посмотрело: 774

0

Aqşin Məsimov–55 YY, 2017 (etüdlər) / Agshin Masimov–55 JT, 2017 (studies) İLKİN TƏLTİF / PROVISIONAL AWARD

Şahmat Bəstəçiliyi Komissiyası ölkəmizin tanınmış şahmat bəstəçisi və həllçisi Aqşin Məsimovun  55 illiyinə həsr olunmuş etüdlərin tərtibi üzrə yubiley yarışının nəticələrini elan edir. Yarışa 13 ölkədən 26 müəllif 33 etüd göndərmişdi, təltifə hakim-yubilyar 15 etüd seçib.
Aqşin Məsimov 1962-ci il iyulun 1-də Gürcüstanın Bolnisi (Borçalı mahalı) rayonunun Abdallı kəndində dünyaya göz açıb. 1980–85-ci illərdə Azərbaycan Dövlət Universitetinin kimya fakültəsində təhsil alıb. Ali təhsil aldığı illərdə "Bakı", "Baku", "Kommunist", "Şahmat–Şaxmatı" qəzetlərinin təşkil etdiyi şahmat bəstələrinin qiyabi həlli üzrə müsabiqələrin dəfələrlə qalibi olub. A.Məsimov şahmat həlletməsi üzrə Azərbaycanın 9-cu çempionu, idman ustasıdır (1998).
A.Məsimov şahmat həlletməsi üzrə Azərbaycan çempionatlarında 7 dəfə 2-ci (1993, 1995, 1996, 1997, 1999, 2001, 2002), 8 dəfə 3-cü (1987, 1991, 1994, 2003, 2005, 2006, 2007, 2010) yeri tutub. O həmçinin 1990-cı ildə Gürcüstanın 1-ci çempionatının bürünc mükafatçısı olub.
Şahmat həlletməsi üzrə dünya çempionatlarında Azərbaycanı ilk dəfə məhz Aqşin Məsimov təmsil edib: 5–15 sentyabr 1997-ci il – Pula şəhəri, Xorvatiya. O, 40-cı beynəlxalq konqresdə Azərbaycanı FİDE nəzdində Şahmat Bəstəçiliyi Daimi Komissiyasına 35-ci üzv seçdirib və 1997–2010-cu illər ərzində bu təşkilatda ölkəmizin nümayəndəsi olub.
Aqşin Məsimov ölkəmizi həlletmə üzrə dünya çempionatlarında 7 dəfə, Avropa çempionatlarında 4 dəfə, Dünya kubokunda isə 2 dəfə təmsil edib.
İlkin təltif / Provisional award: agshin-masimov-55-jt-2017-award.pdf [519,17 Kb] (cкачиваний: 89)

Категория: Chess Composition

 

SÜLEYMAN ABDULLAYEV–50 YUBİLEY YARIŞI, 2017

Автор: ilham от 13-08-2017, 16:50, посмотрело: 597

0

SÜLEYMAN ABDULLAYEV – 50 YUBİLEY YARIŞI, 2017

 

Suleyman Abdullayev–50 JT, 2017

(#2 – İkigedişli / Twomovers)

 
 

  Şahmat Bəstəçiliyi Komissiyası ölkəmizin tanınmış şahmat bəstəçisi Süleyman Abdullayevin 50 illiyinə həsr olunmuş ikigedişli (#2) miniatür  məsələlərin tərtibi üzrə ildönümü yarışının nəticələrini elan edir.

  Süleyman Ərrahman oğlu Abdullayev (3.09.1967) – Naxçıvan MR Şərur rayonunun Cəlilkənd kəndində anadan olub. 1992-ci ildə Azərbaycan Memarlıq və İnşaat Universitetini bitirib. 1984-cü ildən Bakıda yaşayır. İkigedişli məsələlər tərtib edir və miniatür janra (daşların sayı 7-dən çox olmayan) daha çox üstünlük verir. İndiyə kimi 200-ə yaxın ikigedişli məsələ dərc edib ki, bunlardan da 80-dən çoxu beynəlxalq yarışlarda uğur qazanıb.

TƏLTİF / AWARD: sleyman-abdullayev-50-jt-2017-award-2.pdf [776,06 Kb] (cкачиваний: 664)

Категория: Chess Composition

 

İSLAM KAZIMOV– 65 YUBİLEY YARIŞI (#2, #3)

Автор: ilham от 7-08-2017, 23:17, посмотрело: 1070

0
İSLAM KAZIMOV– 65 YUBİLEY YARIŞI, 2017
(#2, #3)

Azərbaycan Şahmat Bəstəçiliyi Komissiyası ölkəmizin tanınmış şahmat bəstəçisi İslam Kazımovun 65 illik yubileyinə həsr olunmuş ikigedişli və üçgedişli məsələlərin tərtibi üzrə beynəlxalq yarışların nəticəsini elan edir.

İslam Kazımov 12 iyul 1952-ci ildə İsmayillı rayonu Tircan kəndində anadan olub. Bakıda yaşayır, pensiyaçıdır. Azərbaycan Dövlət İncəsənət Universitetini bitirib. İlk məsələsi 1984-cü ildə "Şahmat (Bakı)” qəzetində dərc edilib. Əsasən ikigedişli, üçgedişli və yardımmat məsələləri tərtib edir. Yerli və xarici mətbuatda 200-ə yaxın məsələsi dərc edilib ki, bunlardan bir çoxu yarışlarda mükafat qazanıb.

İkigedişli bölmədə 15 ölkədən 46 müəllifin 67, üçgedişli bölmədə isə 15 ölkədən 40 müəllifin 53 məsələsi iştirak etdi. İkigedişli bölmədə təltifə 21, üçgedişlidə isə 17 məsələ seçilib.
TƏLTİF: islam-kazimov-65-jt-2017-23.-final-award.pdf [1,07 Mb] (cкачиваний: 50)

Категория: Chess Composition

 
Назад Вперед
 
: