“KORONA” ŞAHMAT LÖVHƏSİNDƏ

"KORONA" ŞAHMAT LÖVHƏSİNDƏ

 Almaniyanın “SCHACH” şahmat jurnalı “Korona” şahmat bəstəçiliyi yarışı keçirir. Məsələ və etüdlərin mövzusu: ilkin mövqedə və əsas həlldə daşlar bir-birinə toxunmur və məsafə saxlamalıdır, həmçinin daşlar arasındakı xanalar boş olmalıdır. Bu şərtə bütün həll boyu əməl olunmalıdır. Yalnız köməkçi variantlarda və son gedişdə dəyişməyə icazə verilir. Şərtlərə əməl etməklə daş vuruşuna da icazə verilir.  
 Yarışlar şahmat bəstəçiliyinin3 bölməsində keçirilir: ikigedişli (#2), 3 gedişə yardımmat (H#3) və etüd (+=, uduş və ya heç-heçə). Hakim bütün həll boyu məsafə saxlayan bəstələrə üstünlük verəcək. Yarışların hakimi: Hans Gruber (Almaniya). Məsələ və etüdləri 10.07.2020 tarixə kimi yarışların direktoru Thomas Brand-ın elketron ünvanına göndərmək lazımdır -t.brand@gmx.net
  Mükafatlar: 1-3-cü yer: 200+150+100 AVRO ChessBase - vauçerləri, 4-cü yer: ”SHACH” jurnalına illik abunə, 5-ci yer: Lasker haqqında kitab, ən çox fiqurlu bəstə üçün - Xüsusi mükafat - 100 AVRO. Yarışların nəticələri 25.09.2020 tarixdə “SCHACH” jurnalının oktyabr sayında dərc olunacaq. 
  Nümunələrlə buradan tanış ola bilərsiniz: http://www.zeitschriftschach.de/images/2020/corona-competition.pdf 


Read more

tehsilchess.az saytına müsahibəm

tehsilchess.az saytına müsahibəm

 

«Təhsil» Respublika İdman Mərkəzinin www.tehsilchess.az saytına verdiyim «Hansı bəstəkarlar musiqi bəstələmir» adlı müsahibəni Sizlərə təqdim edirəm. Müsahibə verməyi heç sevməsəm də, bu məncə çox maraqlı alınıb. Aysel Bəxtiyarlıya təşəkkür edirəm!

Müsahibəmlə buradan tanış ola bilərsiniz: www.tehsilchess.az/interview-ilham-aliyev



Read more

COVID-19 Şahmat Bəstəçiliyi yarışlarını təxirə saldı

COVID-19 Şahmat Bəstəçiliyi yarışlarını təxirə saldı 

Məlum səbəblərə görə (COVID-19) aprel ayında keçirilməsi nəzərdə tutulmuş şahmat bəstəçiliyi yarışları təxirə salındı.

1) 4-5 aprel Şahmat Həlletməsi 41-ci Azərbaycan çempionatı - əlavə məlumat veriləcək, may-iyun aylarında keçirilməsi nəzərdə tutulub.

2) Şahmat Həlletməsi 15-ci Avropa çempionatı, 23-27.04.2020, Ukrayna, Poltava şəhəri. 2021-ci ilə keçirildi.

3) Ümümdünya 44-cü Moskva Şahmat Olimpiadası gələn ilə keçirildiyi üçün bu yarışa həsr olunmuş şahmat bəstəçiliyi yarışı da gələn ilə keçirildi. Yarışa göndərilmiş bütün şahmat bəstələrinin qeydiyyatı ləğv olunur. Müəlliflər əsərlərindən istədikləri kimi istifadə etmək hüququna malikdirlər.

Ancaq şad xəbər də var. Virusun tüğyan etdiyi dövrdə 8-ci FIDE Dünya kuboku elan edilib. Evdən çıxmadan rahatca bu yarışda iştirak edə bilərsiniz:
İngilis - https://www.wfcc.ch/competitions/composing/fidewcc_2020/
Rus - https://ru-chess-art.livejournal.com/447916.html
Read more

Şahmat bəstəçiliyi üzrə 4-cü Azərbaycan kuboku, 2019

Şahmat bəstəçiliyi üzrə 4-cü Azərbaycan kuboku, 2019

4th Azerbaijan Chess Composition Cup, 2019


   Şahmat bəstəçiliyi üzrə növbəti 4-cü Azərbaycan kubokunun ilkin nəticələrini elan edirik. İki ildən bir keçirilən bu yarışı Şahmat Bəstəçiliyi komissiyamızın əsas uğurlarından sayıram. Bu il də yarışımızı qoruya bildik. Bütün bölmələrdə yarışlar alındı, yəni reqlamentə uyğun olaraq hər bölmədə üç qalib var. Əlbəttə çox istərdim ki, kubokumuzun səviyyəsi daha yüksək olsun, gələcəkdə inşallah buna da nail olacayıq. Təəssüf ki, bir neçə tərtibçimiz bu yarışa öz məsələlərini göndərməməkdə israrlıdır. Bir daha qeyd edim ki, ölkə yarışlarında iştirak etməyən şəxslər şahmat bəstəçiliyi üzrə yığma komandaya daxil edilməyəcək. Ancaq incə məqamlar da var. Bu bəstəçilərimiz yarışda iştirak etməsə də yaradıcılıqları göz qabağındadır. Daha açıq desək, yəni bu kubokda başqasının yerinə məsələ tərtib edərək iştirak ediblər. Əlbəttə buna tam sübut olmasa da məsələlərə baxdıqda hər şey aydın olur. Bu əlbəttə ki, bəstəçi etikasından çox uzaqdır və bəstəçiliyin inkişafına ziyandan başqa bir şey gətirməz.   

   Fürsətdən istifadə edib yarışda iştirak edən bütün şahmat bəstəçilərinə öz minnətdarlığımı bildirir və yeni yaradıcılıq uğurları arzu edirəm! 

TƏLTİF / AWARD: 4-cu-aze-kuboku-2019.pdf [442,44 Kb] (downloads: 102)
See the file online: 4-cu-aze-kuboku-2019.pdf
4-cu-aze-kuboku-2019.pdf [442,44 Kb] (downloads: 102)
See the file online: 4-cu-aze-kuboku-2019.pdf


Hörmətlə, İlham Əliyev.

Şahmat Bəstəçiliyi komissiyasının sədri.


Read more

Şahmat məsələlərinin həlli üzrə 40-cı Azərbaycan Çempionatı

Şahmat məsələlərinin həlli üzrə 40-cı Azərbaycan Çempionatı 

40th Azerbaijan Chess Solving Championship


Ramil Cavadov 5 qat Azərbaycan çempionu oldu


 6-7 aprel tarixlərdə Respublika Şahmat Mərkəzində şahmat məsələlərinin həlli üzrə 40-cı Azərbaycan çempionatı keçirildi. Yubiley çempionatında qələbə uğrunda ölkəmizin 9 şəhərindən (Bakı, Sumqayıt, Gəncə, Şəki, İsmayıllı, Qəbələ, Şabran, Naftalan, Tərtər) 32  şahmatçı mübarizəyə qatıldı.      

  Ölkə çempionatımız dünya və Avropa çempionatlarında olduğu kimi hər birində 3 şahmat məsələsi olmaqla 6 bölmə üzrə (ikigedişli–20 dəq, üçgedişli–60 dəq, etüdlər–100 dəq,  çoxgedişli–80 dəq, yardımmat–50 dəq, əks-mat–50 dəq), ümumi 18 məsələ təqdim olunmaqla keçirilir. Hər düzgün həll edilmiş tapşırığa görə 5 xal verilirdi. Ölkə çempionatımız şahmat həlletməsi üzrə Dünya kubokunun mərhələlərindən biri kimi qeydiyyatdan keçmişdi.

  Çox heyiflər olsun ki, şahmat həlletməsi üzrə dünya və Avropada gümüş medal qazanmış millimizin bir sıra üzvü (Zaur Məmmədov, Misrətdin İskəndərov, Rəşad Zeynallı, Bəhruz Rzayev) Türkiyədə işlədikləri üçün bu çempionata qatıla bilmədilər. Ancaq buna baxmayaraq çempionat kəskin mübarizə şəraitində keçdi. İlk turlardan şahmat üzrə beynəlxalq usta Nərmin Məmmədova (Bakı) liderliyi ələ keçirdi və dünya şahmat həlletməsi tarixində qadın həllçinin ölkə çempionatında ilk dəfə olaraq çempion adını qazanmasına çox yaxın idi. Lakin 4-cü turda, çoxgedişli məsələlər bölməsində təqdim olunan 3 tapşırığı həll edə bilməməklə bu şansı əldən buraxdı.

  Bu şansdan istifadə edən İsmayıllı şahmatçısı 4 qat ölkə çempionu, beynəlxalq usta Ramil Cavadov 90 mümkün xaldan 78,50 (306 dəq) xal toplayaraq 5 qat Azərbaycan çempionu adını qazandı. Gümüş medalı 72,5 (310 dəq) xalla 15 qat Azərbaycan çempionu, beynəlxalq usta Araz Alməmmədov (Qəbələ), bürünc medalı isə 68 (294 dəq) xalla 2-ci dəfə Nərmin Məmmədova (Bakı) qazandı. Təcrübəli həllçimizi Aqşin Məsimov (Bakı) 62,5 xalla 4-cü, Amil Abbasov (Gəncə) isə ondan yarım xal geri qalaraq 5-ci oldu.

    Qadınlar arasında 1-ci Nərmin Məmmədova (Bakı), 2-ci beynəlxalq usta Səbinə İbrahimova (Bakı), 3-cü isə Ayan Allahverdiyeva (Bakı) oldu. 

  Bölmələrdə çempion adını aşağıdakı şahmatçılar qazandılar: ikigedişli, çoxgedişli – Araz Alməmmədov (Qəbələ), üçgedişli – Aqşin Məsimov (Bakı), etüdlər və əks-mat – Nərmin Məmmədova (Bakı), yardımmat – Amil Abbasov (Gəncə).

   Qaliblər pul mükafatları, medallar, fəxri fərman və şahmat kitabları ilə mükafatlandırıldı.   Həlletmə komandamız avqustda Litvanın paytaxtı Vilnüs şəhərində  keçiriləcək dünya çempionatında ölkəmizi təmsil edəcək. Xatırladaq ki, şahmat həlletməsi üzrə milli komandamız 2014-cü ildə İsveşrədə dünya çempionatında və 2016-cı ildə Yunanıstanda  Avropa çempionatında gümüş medal qazanıb. 


İlham Əliyev (Sumqayıt) 

Yarışn baş hakimi (beynəlxalq hakim, əməkdar məşqçi)


Cədvəl, tapşırıqlar və həllərini buradan yükləyə bilərsiniz:

https://www.wfcc.ch/competitions/solving/wsc-2018-2019

Read more

Şahmat bəstəçiliyi üzrə 4-cü Azərbaycan kuboku, 2019

Şahmat bəstəçiliyi üzrə 4-cü Azərbaycan kubokunun
(4th Azerbaijan Chess Composition Cup, 2019)
ƏSASNAMƏSİ

1. 4-cü Azərbaycan kubokunu  Azərbaycan Şahmat Federasiyası Bəstəçilik komissiyası keçirir.
2. Yarış 6 bölmə üzrə (ikigedişli–#2, üçgedişli–#3, çoxgedişli–#N, etüdlər – +=, yardımmat – H#, əks-mat –S#) keçirilir. 
3. Hər müəllif hər bölməyə yalnız bir orijinal (heç yerdə dərc olunmamış) məsələ və ya etüd göndərə bilər.
Birgə (şərikli) əsərlərin iştirakına icazə verilmir. 
4. Hər hansı bir bölmədə iştirakçıların sayı üç nəfərdən az olarsa həmin bölmə üzrə yarış keçirilməyəcək. 
5. Bəstələr hakimlərə anonim olaraq, yəni müəlliflər göstərilmədən göndəriləcək.
6. Anonimliyi qorumaq üçün 4-cü Azərbaycan kubokunun hakimləri barədə əlavə məlumat veriləcək. 
7. Yarışın elan tarixi: 12.02.2019.
8. Şahmat bəstələrinin yarışın direktoruna son göndəriş tarixi – 25.05.2019.
9. Nəticələrin ilkin elanı – 15.07.2019.
10. 4-cü Azərbaycan kubokunun direktoru – İlham Əliyev (Sumqayıt).
11. Məsələ və etüdləri aşağıda göstərilən elektron ünvana, telefona və ya whatsapp-a göndərmək olar.
E-mail: bestechi@mail.ru Tel: 050 515 40 99.
12. Hakimlərlə əlaqə yalnız çempionatın direktoru vasitəsi ilə aparılacaq. Hakimlə birbaşa əlaqə yaradan yarış iştirakçısı cəzalandırılacaq.
13. Yarışda hakimlər yalnız qalib 1-3-cü yerləri müəyyən edəcəklər, təltifə daxil olmayan digər məsələ və etüdlər müəlliflərə qaytarılacaq və onlar həmin bəstələrdən digər yarışlarda istifadə edə bilərlər.
14. Yarışların son nəticəsi “Şahmat bəstəçiliyi” jurnalında dərc olunacaq.
15. Qaliblər fəxri fərman və medallarla təltif olunacaqlar.

Azərbaycan Şahmat Federasiyası Bəstəçilik Komissiyası
Read more

«Şahmat bəstəçiliyi» jurnalının 21-ci sayı

«Şahmat bəstəçiliyi» jurnalının 21-ci sayı 

 

AŞF Şahmat Bəstəçiliyi Komissiyasının 2003-cü ildən dərc olunan "Şahmat bəstəçiliyi" jurnalının yeni 21-ci sayı işıq üzü gördü. Jurnalda komissiyanın 2018-ci il ərzində gördüyü işlər, həlletmə və tərtib yarışları barədə geniş məlumat verilib, həmçinin Bəstəçilik Komissiyasının sədri İlham Əliyevin geniş müsahibəsi dərc olunub. 64 səhifə, B5 formatı (25,5x18), rəngli üz qabığı, fiqurlu notasiya, çoxsaylı xəbərlər. Tiraj 50 nüsxə. Qiyməti 5 manat.
  Maraqlananlar 050 515 40 99 WhatsApp və bestechi@mail.ru elektron ünvanına yaza bilərlər.

Read more

ŞAHMAT BƏSTƏÇİLİYİ–15 YUBİLEY YARIŞI, 2018 (#2, #3, N#, +=)

ŞAHMAT BƏSTƏÇİLİYİ–15 YUBİLEY YARIŞI, 2018 (#2, #3, N#, +=)
 
SON TƏLTIF / FINAL AWARD


 Təşkilatçı / Organizers: Azərbaycan Şahmat Bəstəçiliyi Komissiyası / Azerbaijan Chess Composition Commission.
 Yarışın direktoru / Tournament director: İlham Əliyev (Sumqayıt, Azərbaycan).
 Təltifin dərci / Award publication: 
http://ulvichess.az/chess-composition
 
 Yarışın bölmələri və hakimlər / The tournament sections and judges:
 A) Twomovers (#2) – Judge: Elmar Abdullayev (Sumgayit, Azerbaijan).
 B) Threemovers (#3) – Judge: Mubariz Safarov (Jalilabad, Azerbaijan).
 C) Moremovers (N#) – Judge: Aleksandr Melnichuk (Russia).
 D) Studies (+=) – Judge: Muradkhan Muradov (Gobustan, Azerbaijan).
 Məsələ və etüdlər hakimlərə anonim surətdə, yəni müəlliflər göstərilmədən göndərilmişdi / Problems and studies was sent to judges anonym.
 PDF: shahmat-bestechiliyi-15-jt-2018-2-3-n-award.pdf [1,41 Mb] (downloads: 182)
See the file online: shahmat-bestechiliyi-15-jt-2018-2-3-n-award.pdf

 PGN: shahmat-bestechiliyi-15-jt-final-award.pgn [15,22 Kb] (downloads: 35)

Qeyd / Note: 3 bölmədə (#3, #N, +=) dəyişiklik var / There is a change in 3 section (#3, #N, +=).
Read more

ŞAHMAT BƏSTƏÇİLİYİ–15 YUBİLEY YARIŞI, 2018 (#2, #3, N#, +=)

ŞAHMAT BƏSTƏÇİLİYİ–15 YUBİLEY YARIŞI, 2018 (#2, #3, N#, +=)
İLKİN TƏLTIF / PROVISIONAL AWARD
Təşkilatçı / Organizers:
Azərbaycan Şahmat Bəstəçiliyi Komissiyası / Azerbaijan Chess Composition Commission.
Yarışın direktoru / Tournament director: İlham Əliyev (Sumqayıt, Azərbaycan).
Təltifin dərci / Award publication: http://ulvichess.az/chess-composition

Yarışın bölmələri və hakimlər / The tournament sections and judges:
A) Twomovers (#2) – Judge: Elmar Abdullayev (Sumgayit, Azerbaijan).
B) Threemovers (#3) – Judge: Mubariz Safarov (Jalilabad, Azerbaijan).
C) Moremovers (N#) – Judge: Aleksandr Melnichuk (Russia).
D) Studies (+=) – Judge: Muradkhan Muradov (Gobustan, Azerbaijan).
Məsələ və etüdlər hakimlərə anonim surətdə, yəni müəlliflər göstərilmədən göndərilmişdi.
İradları bu tarixə kimi (30.12.2018) aşağıdakı elektron ünvana göndərmək olar.
PDF: shahmat-bestechiliyi-15-jt-2018-2-3-n-award.pdf [1,37 Mb] (downloads: 277)
See the file online: shahmat-bestechiliyi-15-jt-2018-2-3-n-award.pdf

PGN: shahmat-bestechiliyi-15-jt-award.pgn [15,22 Kb] (downloads: 56)
Read more